El Grupu Parlamentariu Popular volverá pidir al Gobiernu que "endelgace l'Alministración y qu'axuste los chiringos socialistes y non sobre los ciudadanos".

Fai! diz que la llucha pola llibertá sexual ye prioritaria y recuerda qu’anque’l coleutivu gai tenga los mesmu derechos llegales, tovía queda homofobia na sociedá.

La organización soberanista acudió a la movilización entamada por XEGA’l 28 de xunu pa remembrar los fechos d'hai 40 años cuando nel pub Stonewall de Nueva York la policía fixo una redada d'acosu al coleutivu gai, que retrucó a la represión con una revuelta en llucha pola llibertá sexual.

'Pachín de Melás' entama  güei nel Bar Cantábrico de Xixón una nueva tertulia sol títulu 'A mi qué la crisis. Marxinación y polítiques de reinserción social'.

La tertulia, que va entamar a les 20.30 hores, va cuntar cola participación de Rafael Piñera, de l'Asociación Profesional d'Educadores Sociales d'Asturies y miembru del Patronatu de la Cocina Económica de Xixón; y Xosé Lluis Carmona, presidente de la Cruz Roxa d'Asturies.

El documental de TPA ‘La batalla d'Asturies’, foi galardonáu col Premiu Defensa 2010 na modalidá de Medios de Comunicación Social, na categoría de periodismu audiovisual.

Esti documental, emitíu'l 31 d'ochobre de 2009, forma parte de la serie sobre la Revolución d'Ochobre de 1934 y la Guerra Civil dedicáu al 75 aniversariu de la Revolución y el 70 aniversariu del final de la Guerra Civil.

El Conseyu de Gobiernu del Principáu aprobó güei los nuevos graos universitarios, ente los que ta ‘Llingües Modernes y les sos Lliteratures’, nel que s’inclúi’l Minor d’Asturianu.

Asina, el Principáu dio-yos el preste a los decretos pa la implantación de les enseñances oficiales de 22 graos na Universidá d'Uviéu, lo que supón el camudamientu de les titulaciones esistentes a los planes del Espaciu Européu d'Educación Superior, que van entrar en vigor el próximu cursu 2010-11.

El presidente del Patronatu de Picos d'Europa y conseyeru de Biodiversidá cántabru, Jesús Oria, aseguró que nun va haber problema pa que la tresferencia entre en vixencia'l 1 de xineru.

Oria señaló que tres seis años de discutiniu, les tres autonomíes implicaes llevaron "mui bien" el procesu, dao que se punxeron d'acuerdu pa treslladar al Gobiernu central una propuesta qu'aceptó'l Secretariu d'Estáu Mediu Rural y Agua, Josep Puxeu y la ministra de Mediu Ambiente y Mediu Rural y Marín, Elena Espinosa.

Les tarifes de peaxe de l'Autopista Campumanes-Lleón van encarecese a partir d'esta medianueche de resultes de la variación del tipu del Impuestu sobre'l  IVA del 16 al 18%.

Según datos d'Aucalsa consultaos por Europa Press, la subida va tornar nuna subida de 22 céntimos pa les motocicletes, los turismos, furgones y furgonetes y microbuses que circulen pol itinerariu entendíu ente Campumanes y Lleón o Onzonilla, que van pasar a pagar 10,80 euros.

El presidente de la Generalitat, José Montilla, espunxo esti miércoles los sos sentimientos tres el recorte del Estatut pel Constitucional : "nun me siento derrotáu, pero sí maltratáu".

"A ver si somos a atopar el camín pa recuperar lo que'l pueblu votó", aseguró Montilla nuna de les sos intervenciones na sesión de control al Gobiernu catalán en sede parllamentaria. Asina, volvía manifestar que va facer tolo posible pa llograr que sigan vixentes per otres víes toos aquellos artículos declaraos inconstitucionales pol Altu Tribunal.

El voceru de mediu ambiente d’UNA, Tino Fernández, denuncia que'l Gobiernu del Estáu declara d’urxencia la execución de Soto-Penagos pa salvar la sentencia xudicial desfavorable.

IU-BA-Verdes propunxo crear una llei qu'establecería la obligación del reciclaxe, lo mesmo a Conceyos o usuarios, y la imposición d'un canon a la eliminación de residuos.