Fontes presidenciales iranínes desmintieron que'l presidente del país, Mahmud Ahmadineyad, sufriere un atentáu nel oeste d'Irán, según informó la televisión estatal.

Les fontes aseguraron qu'estes informaciones son "falses" y que'l mandatariu nun sufrió nengún atentáu, según la cadena, qu'emite n'inglés. Poco antes, fontes de la Presidencia citaes por Reuters aseguraron qu'Ahmadineyad resultare ilesu tres un atentáu cometíu esti miércoles contra'l convói en que viaxaba na ciudá de Hamadan, nel oeste d'Irán.

El Bloque por Asturies considera que, el descensu del paru en 3 369 persones en xunetu, constata'l “fracasu ya incapacidá” del Gobiernu pa crear empléu estable y de calidá.

“Nin siquier la coyuntura estacional del branu con contrataciones temporales y precaries nel sector servicios, consigue tapar y esconder una realidá murnia, negativa y esmolecedora”, señalen.  

La organización afirma que los datos van vese agravaos cola aplicación de la Reforma Llaboral aprobada nel Congresu español y cola aplicación de la Llei d'Axuste aprobada nel Parllamentu asturianu.

El voceru d’UNA, Faustino Zapico, declaró que “la derogación de l'ayuda de 425 € pa los autónomos, conderga a la marxinalidá a ún de los sectores que más sufre la crisis”.

La Universidá Asturiana de Branu (UABRA) acueye güei la conferencia ‘Xénomes y Cáncer’, a cargu de Xosé Antón Suárez Puente, profesor de la Universidá d’Uviéu.

L’actu va celebrase a partir de les 20.00 hores nel Salón d'Actos de la Escuela-Hogar de Cangas del Narcea, Palaciu d’Oumaña, y cuerre a cargu d’un de los más prestixosos estudiosos del cancer, Xosé Antón Suárez Puente, del Departamentu de Bioquímica y Biloxía Molecular.

El númberu de paraos baxó en 3.369 persones en xunetu, una cayida del 4,49% sobre'l mes anterior, colo que'l númberu total de paraos n'Asturies queda nos 71.675 persones.

Na comparanza interañal, n'Asturies, el Paru rexistró n'Agostu una subida del 6,56%, lo que supón 4.414 paraos más nel país sobre'l mesmu periodu del añu pasáu.

El delegáu de Gobiernu, Antonio Trevín, afirmó que la única obra paralizada n'Asturies pol Ministeriu de Fomentu ye la del tramu Salas-La Espina, por rescisión de contratu.

La muerte d'un periodista y un soldáu elevó a cuatro'l númberu de libaneses que perdieron la vida mientres los enfrentamientos ente los Exércitos libanés ya israelín.

Coles mesmes, Israel declaró que'l Gobiernu libanés ye "responsable de los serios incidentes" d'esta mañana y alvirtió que "si siguen les violaciones, va haber consecuencies".

Riopedre afirmó que yá se completó'l desendolcu curricular de l’asturianu en toles etapes y calificó a la UABRA como "exemplu pa esparder la cultura asturiana".

El Conseyeru d'Educación y Ciencia, José Luis Iglesias Riopedre, inauguró güei la Universidá Asturiana de Branu (UABRA), una nueva iniciativa que ponen en marcha conxuntamente la Universidá d'Uviéu y l'Academia de la Llingua, y que cunta cola collaboración de la Conseyería d'Educación y Ciencia.  La Universidá Asturiana de Branu va tener la so sede permanente en Cangas.

El presidente del Gobiernu, José Luis Rodríguez Zapatero, señaló esti llunes que'l Gobiernu "va caltener firme la defensa al carbón ante la Comisión Europea".

Trabe convocó la edición 2010 del premiu 'Montesín' de lliteratura infantil y xuvenil, que cuenta con un premiu de 2.000 euros. El plazu de presentación acaba'l 13 de setiembre.

Asina lo anunció la editorial na so páxina web. Tolos interesaos puen yá mandar a la editorial les sos obres, que nun puen ser menores de 30 fueyes a una cara, en DIN A-4, mecanografiaes a doble espaciu.