El nuevu conseyeru d'Educación, Herminio Sastre, dixo al xurar el cargu que va siguir “colos programes, planes y persones" colos que yá trabayaba como viceconseyeru.

El coordinador xeneral d'IX, Jesús Iglesias, condicionó la continuidá del alcuerdu de Gobiernu al caltenimientu de la inversión pública y el gastu social nos presupuestos de 2011.

Asina lo señaló en declaraciones a los periodistes, mientres la rueda prensa que'l so compañeru, Gaspar Llamazares, ofreció n'Avilés tres la so visita al Centru Niemeyer.

La Coḷḷá Propinde representará esta fin de selmana a Asturies nel 40 Festival Intercélticu de Lorient. El grupu ḷḷenizu va participar na xornada inagural, nun añu dedicáu a Bretaña.

Tres van ser les oportunidaes que van tenése pa poder sintir les músiques y cantares del grupu de La Pola Ḷḷena. La primera d'elles el mesmu Vienres 6 d'agostu, de magar les 22 hores na inauguración del Festival, nel recinto de la ‘Quait de la Bretagne’ , xunto colos grupos bretones Hitks y Pascal Lamour.

El Bancu d'España considera que la rebaxa de los xornales a los funcionarios podría tener un efectu "demostración" pal sector priváu.

El primer ministru italianu, Silvio Berlusconi, va sometese en septiembre a una moción de cofianza na Cámara de los Diputaos y ésti tendrá que dimitir si sal derrotáu.

Güei, vienres día  6 d’agostu, la UABRA (Universidá Asturiana de Branu) va acoyer la presentación de Ḷḷumés, el primer vinu etiquetáu n’asturianu.

El Bloque y UNA faen un llamáu a participar na manifestación contra les ordes de la Conseyería d'Educación na convocatoria de places de dirección d'escueles infantiles de 0 a 3 años.

La manifestación va celebrase n’Uviéu mañana, vienres 6 d'agostu a les 12:00 hores. El Bloque por Asturies aprovechó p'acusar al Principáu d'atacar a la enseñanza pública y empecipiar el procesu d'esmantelamientu de la Rede d'Escueles Infantiles de 0-3 años col cese de les persones responsables de les Direcciones d'estos centros.

Netanyahu afirmó qu'Israel considera a Líbanu y a Hamás, responsables de los ataques contra'l so territoriu asocedíos esta selmana y amenazó con dar una respuesta a la violencia.

"Quiero dexar claro a Hamás y al Gobiernu libanés que-yos consideramos responsables de la violenta prevocación a los nuesos soldaos", dixo'l primer ministru israelín nun discursu televisáu. "La nuesa política ye clara, Israel respuende y va siguir respondiendo con fuerza a cualquier ataque a los sos ciudadanos y los sos soldaos", alvirtió.

El Teatru Conde Toreno va acoyer la representación de la obra de Nun Tris ‘El criáu de dos amos’, una actividá entamada pola UABRA en collaboración col Conceyu de Cangas.

La obra foi escrita por Carlo Goldoni y estrenada en 1741. La puesta n'escena de Nun Tris contien los elementos que caracterizaron el teatru nos sos orixes: teatralidá, alta maña física, música, personaxes farsescos, con tola fuerza y tresparencia del teatru popular.

La editorial Trabe sacó a la venta yá la novela 'La bufanda', de David Artime, ganadora del premiu de narrativa qu'esta casa convocó nel 2009.