UNA diz quel PSOE traiciona a los autónomos al quitar l'ayuda de 425€

El voceru d’UNA, Faustino Zapico, declaró que “la derogación de l'ayuda de 425 € pa los autónomos, conderga a la marxinalidá a ún de los sectores que más sufre la crisis”.

Unidá Nacionalista Asturiana, amosó la so “fonda decepción” pola derogación de l'ayuda de 425 € pa los autónomos que queden al paru a partir del 1 de xineru y nun cunte con nengún tipu d'ingresu. “La sida de la incompatibilidá cola aprobación del desemplegu argumentada pol PSOE, ye una mera falacia poles condiciones p'aportar a tala ayuda y pol so calter complementariu cola emprestación del paru”, afirmó’l voceru de la formación.

Pa Zapico ye irónico utilizar como sida l'aprobación del paru p'autónomos pa xustificar la derogación d'esta ayuda, “que se fai imprescindible pol retrasu na tramitación de tala emprestación, como yá denunciamos dende UNA”.

El voceru de la formación nacionalista añadió que ye una “mera falacia, una y bones nengún autónomu que lleve trabayando tres años nos últimos cinco años va dexar la so actividá por una ayuda de seis meses de 425 €, yá que nun puede tener otra fonte d'ingresos pa recibila”.

UNA considera llamentable qu’el PSOE tea directamente a la derecha del PP y CIU qu'aprobaron tala iniciativa, y trate al colectivu d'autónomos como un sector que se ta beneficiando de la crisis, “cuando realmente tán sufriéndola con muncha intensidá”

Sicasí, Zapico señaló que’l Gobiernu ye muncho más compresivu coles entidaes financieres, constructores y grandes empreses “que pola so pésima xestión y un usu irresponsable de la so posición, son los culpables de la situación que tamos viviendo”.