Les comunidaes de réxime común tendrán qu'ingresar 5.502 millones d'euros al Estáu como resultáu de la lliquidación definitiva del sistema de financiación, Asturies debe 171,1.

El Bloque esixe al Principáu que ponga fin al so “antroxu particular” y dexe de retayar empleos, ayudes y polítiques sociales y defenda los derechos d’Asturies en Madrid.

El Bloque por Asturies considera intolerable que, “pente medies de una representación más propia d'una tragicomedia”, pretendan amosar sorpresa ante la lletra pequeña y lo non escrito de la llamada ‘Llei d'Axuste’, “que contempla graves retayos n'empléu, ayudes y polítiques sociales”.

El próximu martes 10 d’agostu, la Universidá Asturiana de Branu acueye un recital de Chus Pedro, excomponente de Nuberu, acompañáu por Gabino Antuña.

El conciertu ta inxertáu dientro de les Actividaes Abiertes de la UABRA, y va entamar  a les 22:30 hores nel Teatru Toreno de Cangas. Esta nun ye la primer actividá musical de la Universidá Asturiana de Branu, yá’l pasáu sábadu'l grupu Falanoncaduca ufrió un conciertu na discoteca Zayco de Cangas, asitiada a la vera de la Escuela-Hogar qu’acueye a los 150 alumnos.

La Confederación Asturiana de Construcción-Asociación de Promotores y Constructores d'Edificios Urbanos camienta que "la tisoriada" de Fomentu fixo polvu les aspiraciones d'Asturies.

El primer ministru israelín, Benjamin Netanyahu, dixo que nun pue dexase "d'inorar una amenaza pa la esistencia d'Israel" mientres la investigación del ataque a la flota d'ayuda a Gaza.

La flota, qu'intentaba llegar a la Faza de Gaza con mercancía humanitaria esquivando'l bloquéu israelín, resultó asaltada n'agües internacionales pola Armada hebrea, que realizó delles alvertencies  pa que nun siguiera'l so camín hacia Gaza.

El Presidente del Principáu, Vicente Álvarez Areces, presentó na Feria de Muestres los actos del Día d'Asturies. Isabel Pantoja, Chenoa, Rosa o Soraya, son dalgunes de les actuaciones.

El Día d’Asturies va celebrase en Ribeseya ente'l 4 y el 8 de setiembre. El Gobiernu asturianu espera superar los 500.000 visitantes tres l'ésitu alcanzáu nos dos anteriores ediciones, que s'entamaron en L’Entregu y Cuideiru.

El Bloque por Asturies consideró "totalmente escandaloses" dalgunes de les actuaciones previstes pol Principáu pal Día d'Asturies que se va celebrar esti añu en Ribeseya.

Gonzali Producciones ta acabantes de xubir a YouTube’l trailer de ‘La nueche de los muertos vivientes’, la primer película de la hestoría doblada al nuesu idioma.

La cinta va estrenase en Xixón, el 25 de setiembre nel Antiguu Institutu. La primer película de la hestoria que va poder vese n’asturianu nuna sala de cine va poner fin a la xornada ‘Vagamar’ de L’Arribada 2010. Mientres qu’en Colunga va vese na Sala Loreto de la Casa Cultura’l 5 de payares. Sicasí, habrá un pase previu enantes de setiembre, con fecha y llugar tovía por determinar.

Unidá Nacionalista Asturiana considera que la salida del Bloque del Gobiernu abre posibilidaes reales pa un alcuerdu "qu'ufierte una alternativa con posibilidaes en 2011".