El presidente de Tecniberia Asturias, Carlos Escanciano, dixo que la reducción na inversión pon en peligru la estabilidá d'un sector que n'España da empléu a 200.000 inxenieros.

El Conseyu de Gobiernu aprobó güei en sesión estraordinaria'l nomamientu de Herminio Sastre como nuevu Conseyeru d'Educación y Ciencia, que releva a J. L. Iglesias Riopedre.

Ana Cano diz llamentar fondamente la dimisión de Riopedre, yá que con él hubo pasos alantre col asturianu, “personalmente hubíereme prestáu que siguiera tola llexislatura”.

La presidenta de l’Academia de la Llingua fixo estes declaraciones en Cangas, nel marcu de la Universidá Asturiana de Branu, tres conocese que’l conseyeru d'Educación y Ciencia, José Luis Iglesias Riopedre, dimitiera por motivos de salú, asociaos al estrés del cargu.

El conseyeru d'Educación y Ciencia, José Luis Iglesias Riopedre presentó la so dimisión, decisión qu'aprobó güei'l Conseyu de Gobiernu del Principáu.

El Conseyu de Gobiernu autoriza un gastu de 589.970 euros pa restaurar les cubiertes del Monesteriu de San Pelayu d'Uviéu, onde va agospiase dientro poco l’Academia.

El miembru de la dirección nacional del Bloque por Asturies, Ignacio González, ta convidáu a poner una conferencia pa explicar el conflictu llingüísticu y cultural d’Asturies en La Paz.

La organización va falar esti miércoles en ‘La Escuela Municipal de les Artes’ de la problemática cultural y llingüística que carez Asturies. La conferencia forma parte del viaxe institucional del miembru de la dirección nacional y responsable de movimientos sociales y formación, Ignacio González, per Chile y Bolivia.

El PP superaba en xunetu al PSOE en 6,3 puntos n'apoyu electoral, la so mayor ventaya dende que'l partíu de José Luis Rodríguez zapatero ganó les elecciones nel 2004.

L'alcalde d'Uviéu, Gabino de Lorenzo, dixo esti miércoles que'l PP "comprometióse" a facer un paréntesis n'agostu no relativo al nomamientu del candidatu a les próximes elecciones.

El vicepresidente terceru del Gobiernu, Manuel Chaves, almitió que la sentencia del Constitucional sobre'l Estatut causó "una posible fienda nel conxuntu de la sociedá catalana".

En rueda prensa tres reunise col presidente de la Generalitat catalana, José Montilla, pa tratar l'espilegue de la norma tres el fallu, consideró que "nun hai nada irrecuperable" na relaciones ente l'Executivu central y el Gobiernu autonómicu, nin nes relaciones de Cataluña coles otres Comunidaes Autónomes, y pidió "voluntá política per toles partes".

La Fuerza Interina de la ONX nel Líbanu (Finul) aseguró que los soldaos israelinos taben operando na parte israelina de la 'Llinia Azul' cuando empezaron los enfrentamientos.

"Finul estableció que los árboles que taben cortando los soldaos israelinos taben asitiaos al sur de la Llinia Azul', na parte israelina", declaró'l voceru militar de la misión de les Naciones Xuníes, el teniente coronel Naresh Bhatt, nun comunicáu.
 
Nos enfrentamientos referíos, morrieron tres libaneses (dos soldaos y un periodista llibanés) y un militar israelín.