La UABRA acueye una conferencia sobre’l cancer

La Universidá Asturiana de Branu (UABRA) acueye güei la conferencia ‘Xénomes y Cáncer’, a cargu de Xosé Antón Suárez Puente, profesor de la Universidá d’Uviéu.

L’actu va celebrase a partir de les 20.00 hores nel Salón d'Actos de la Escuela-Hogar de Cangas del Narcea, Palaciu d’Oumaña, y cuerre a cargu d’un de los más prestixosos estudiosos del cancer, Xosé Antón Suárez Puente, del Departamentu de Bioquímica y Biloxía Molecular.

Amás, dende ayeri, la UABRA acueye, na mesma Casa la Cultura, la esposición d’Adolfo Manzano, ‘Pequeñes nubes nel cielu, nel xardín xuxurios’, qu’en palabras del artista pretende reflexar al xardín como espaciu ande confluyen lo público y lo privao a traviés de les distintes formas de materialización de la vida ya la muerte.

Coles mesmes, el xueves día 5 d’agostu, a les 22.30 hores, el Teatru Conde Toreno va acoyer la representación de la obra de Nun Tris ‘El criáu de dos amos’. Mientres que’l sábadu pela nueche, una discoteca asitiada al llau de la Escuela-Hogar de Cangas va agospiar un concieru del grupu de ska-rock ‘Falanoncaduca’.