La Fiscalía archivó la denuncia del PP sobre posibles delitos contra'l patrimoniu históricu, a consecuencia del descubrimientu de restos arqueolóxicos na Campa Torres.

Según afirmó en rueda prensa'l conceyal del PP nel Conceyu de Xixón, Manuel Pecharromán, el fiscal archivó les dilixencies porque'l delitu prescribió, al pasar más de tres años dende qu'esos materiales se dexaren en dichu sótanu.

La ministra de Cultura destacó la importancia de coordinase ente les alministraciones central, autonómica y llocal xunto col Arzobispáu d'Uviéu pa caltener l'Arte Asturianu.

"El patrimoniu contién un mensaxe cifráu, embotelláu, que los nuesos antepasaos lláncenmos pa que revisemos nel presente y ayúdemos p'aprender a vivir les nueses vides", afirmó Ángeles González-Sinde,.

El Conseyu d'Alministración de la Caxa d'Aforros del Mediterráneu (CAM) dio lluz verde a la fusión fría con Caxastur, Caja Estremadura y Caja Cantabria.

L'organismu que preside Modestu Crespo alcordó la so incorporación al contratu d'integración d'aclaraciones que faen posible que'l bancu resultante seya xestionáu conforme a práctiques de bon gobiernu, indicó la CAM nun comunicáu.

Dende güei, Asturies.com Radio entama una nueva dómina col estrenu de nuevos programes sobre cultura, mitoloxía, llingua o historia del país.

Con una emisión ininterrumpida de 24 hores de música asturiana, con más del 90% nel idioma propiu, Asturies.com Radio entama güei a ufrir dellos microespacios sobre hestoria de la llingua, deportes tradicionales del país, mitoloxía asturiana y espacios pa deprender vocabulariu asturianu.

El Bloque por Asturies “denuncia y alerta” del grave peligru de muerte que cuerren 30 presos políticos mapuches en fuelga de fame en delles cárceles del Estáu chilenu.

La Base Aérea de Zaragoza, agrupación dependiente del Ministeriu de Defensa, devolvió tres recibos que-y facturara una empresa municipal catalana por tar escrites en catalán.

El Conceyu de Figueres recibió una carta roblada pol comandante del negociáu de contratación de la base del exércitu del Aire de Zaragoza, Francisco Javier Ochoa Grandes, que dicía que se devolvíen les factures col oxetivu que se traduxeren al castellán. El recibu, correspondiente al serviciu d'agua, alcantarelláu y basura, llega a los 227,49 euros.

El voceru de vivienda d’UNA, Daniel Fernández, dixo que la eliminación d'ayudes pa la compra de vivienda del Ministeriu, desixe polítiques actives empobinaes a axustar el preciu.

Los descendientes d'emigrantes que tán participando na Escuela d'Asturianía treslladáronse a Colunga pa dar un homenaxe a Ramón García Tuero, el Gaiteru Lliberdón.

El grupu, que foi recibíu nel Conceyu pol Alcalde de Colunga, Rogelio Pando Valle, tuvo acompañáu pol Presidente del Conseyu de Comunidaes Asturianes, Manuel Fernández de la Cera, la Directora de l'Axencia Asturiana d'Emigración, Begoña Serrano, y la Directora de la Escuela, Leontina Alonso.

‘La nueche de los muertos vivientes’ va estrenase en Xixón, el 25 de setiembre nel Antiguu Institutu. Amás, anuncien más doblaxes y el rodaxe del primer llargumetraxe n’asturianu.

La primer película de la hestoria que va poder vese n’asturianu nuna sala de cine va poner fin a la xornada ‘Vagamar’ de L’Arribada 2010. Mientres qu’en Colunga va vese na Sala Loreto de la Casa Cultura’l 5 de payares. Sicasí, habrá un pase previu enantes de setiembre, con fecha y llugar tovía por determinar.

El Bloque sumóse a ATTAC España y solicitó la nacionalización de les caxes d'aforru yá que "la causa de la cayida económica y la so nula recuperación ye la falta de creitu y financiamientu".