El presidente de Colombia, Juan Manuel Santos, y el so homólogu venezolanu, Hugo Chávez, decidieron restablecer les relaciones diplomátiques y comerciales ente los dos países.

El próximu xueves 12 d’agostu, la UABRA va acoyer una conferencia de José Ramón Morala Rodríguez sobre ‘Cuestiones dialeutolóxiques al sur del dominiu’.

Esti actu ta dientro de les Actividaes Abiertes programaes na Universidá Asturiana de Branu (UABRA). El ponente, José Ramón Morala Rodríguez, ye profesor de la Universidá de Lleón y un de los mayores espertos en Filoloxía asturiana al sur del Cordal.
 
L'actu va entamar a les 18:00 hores, nel I.E.S. de Cangas del Narcea, qu'agospia les clases de los estremaos cursos de la UABRA.

El voceru del Bloque, Rafa Palacios, va visitar Colombia del 12 al 14 d'agostu convidáu pola Senadora Piedas Córdoba, Presidenta de la Comisión de Paz del Congresu Colombianu.

Mientres esta visita, Rafael Palacios, va participar na presentación de les propuestes Americanes y Americanos pola Paz" y "Europees y Europeos pola Paz", amás de diversos eventos políticos.

Zapatero anunció que'l Gobiernu va enviar un "completu informe" al Departamentu d'Estáu de los EEXX pa "esclarar" que n'España esiste una "convivencia llingüística" ente'l castellán y el catalán, asina como naquelles Comunidaes onde hai una cooficialidá, dalgo que "funciona razonablemente bien".

Asturies perdió unos 70.000 mozos nos últimos 19 años, según estimaciones incluyíes nel estudiu 'Mocedá n'Asturies', ellaboráu pol Institutu Asturianu d'Estadística.

El conseyeru d'Infraestructures aseguró que la incineradora sigue alantre y vinculóla a otres iniciatives de Conxersa, como la reutilización de llodos o la biometanización.

El  Bloque por Asturies fixo güei un llamáu a la movilización en señal de protesta contra lo que consideraron "el día contra Asturies y contra los sos ciudadanos".

Solidaritat Catalana encamentó a los partíos independentistes a convocar una asamblea'l 4 de setiembre pa escoyer democráticamente les llistes d'una candidatura unitaria.

D'esta manera, Solidaritat Catalana, el partíu creáu y lideráu pol ex presidente del FC Barcelona, Joan Laporta, fixa la fecha pa formalizar una unión de los partíos independentistes de cara a les elecciones catalanes de seronda que s'antoxa difícil, puesto que dende ERC nun se contempla la posibilidá d'acudir a los comicios en coalición col partíu lideráu por Laporta.

El partíu-guerrilla chií libanés Hezbolá afirmó qu'existen pruebes que supuestamente implicaríen a Israel nel asesinatu nel 2005 del ex primer ministru d'El Líbano, Rarik Hariri.

Hassan Nasralá, líder de Hezbolá, muestra nun videu un montaxe d'imaxes del itinerariu que siguió Hariri antes de que lu asesinaren que supuestamente captaría un avión espía israelí interceptáu por Hezbolá.

El PAS opónse a la desapaición del barriu del Muselín y considera un “atracu a mano armada” la espropiación pola que 200 vecinos van quedar ensin la so vivienda.

“Creemos que ye llamentable que'l Conceyu nun avise directamente y de manera oficial a los vecinos afectaos por dicha decisión”, afirma la organización.

El pasáu 30 de xunetu, aprobóse nel Conceyu'l Plan Xeneral d'Ordenación Urbana, “por cierto mala fecha por tar en mediu del branu'l períodu d'esposición pública cuando muncha xente ta fuera de la ciudá y ye más difícil contactar con un abogáu”, indiquen.