El voceru de cultura d’Unidá Nacionalista Asturiana, Ignaciu Llope, anunció que van entamar una campaña pa recuperar la historia del movimientu antitaurín d'Asturies y Xixón.

Asina, preparen pal primer festexu de la feria de Begoña, la dramatización del testu de Toros de Xovellanos, "que va ser representáu por un actor asturianu de teatru”

Güei, vienres 30 de xunetu, nel festival celta Beltaine, van actuar Corquiéu y Felpeyu. La cita ye apartir de les 22:30 hores, na Plaza’l Parche d’Avilés.

Felpeyu ye un de los grupos más importantes de música atlántica del país.  Foi fundáu en 1991 en Salamanca por Ígor Medio y Ruma Barbero. Dende entós, desendolcaron una carrera musical con una bayura d'actuaciones per España, Europa y Australia.

El Bloque felicita a Cataluña y Canaries pola prohibición de los espectáculos taurinos y va presentar na Xunta Xeneral una iniciativa pa qu’Asturies siga’l mesmu camín.

El Bloque por Asturies considera acertada y felicita pola decisión tomada ayeri, nel Parllamentu Catalán, d'abolir l'espectáculu taurín a partir de xineru de 2012, como asina tamién la prohibición d'esti tipu d'actividaes na comunidá autónoma de Canaries.  

La vocera d'UNA en Xixón, Yolanda González, esplica que'l deterioru de les pieces tien de tratase legalmente como un delitu continuáu, “colo que nun puede considerase prescritu”.

“La conducta que tendría d'enxuiciase, que supón el deterioru continuu y progresivu de les pieces arqueolóxiques, nun ye una conducta puntual y referida a un momentu concretu, sinón que persiste nel tiempu”, esplica González.

El ‘Coleutivu pola Xuntanza’ vien de constituyise formalmente como asociación p’afalar que nes eleiciones de 2011, una candidatura conxunta del nacionalismu seya una realidá.

Según indiquen, el coleutivu lleva dellos meses aconceyando con regularidá col envís d’analizar la situación del movimientu políticu nacionalista/asturianista nes sos estreames sensibilidaes. Sicasí, ye agora cuando la iniciativa entama agora un procesu de regulación formal pente medies de la creación d’una asociación.

El pasáu miércoles 27 de xunetu, la Xunta pola Defensa de la Llingua aconceyó col Conseyeru de Mediu Rural y Pesca, Aurelio Martín, pa falar sobre la normalización del asturianu.

Na reunión de siguimientu, la Xunta plantegó-y al Conseyeru la continuación na normalización del asturianu dientro de les competencies, actividaes y campañes de la Conseyería.

El xuez de l'Audiencia Nacional Santiago Pedraz ordenó la busca y captura de los tres militares estaoxunidenses presuntamente responsables de la muerte de José Couso.

El presidente d'ENCE, Juan Luis Arregui, apostó güei pola reconocencia del "valor forestal" del ocalitu polos recursos de madera que suministra y polos beneficios ambientales.

Manuel Chaves señaló que l'Executivu trabaya pa llograr el mayor consensu posible sobre la reforma llaboral, pero alvirtió de que si a lo último tien qu'aprobala en solitario va facelo.

En rueda prensa, el vicepresidente terceru del Gobiernu y ministru de Política Territorial afaló a esperar a qu'acaben los trabayos de la comisión encargada del asuntu pero defendió que "naide pue negar l'esfuerzu" del Gobiernu y el PSOE nel Congresu pa llograr una reforma consensuada y apoyada por dellos grupos parlamentarios.

La ocupación de los agospios rurales d'alquiler íntegru mientres el mes d'agostu nel Principáu d'Asturies van algamar el 63 por cientu, según datos recoyíos por Toprural.com.

Asina, pal próximu mes d'agostu, les cifres provisionales d'ocupación indiquen que, nel conxuntu estatal, va ocupase un 40 por cientu de les places disponibles, y nenguna comunidá autónoma va llegar a la plena ocupación, anque les cuatro comunidaes referíes van superar el 60%.