El Bloque por Asturies entama güei  la so actividá como Grupu Parllamentariu de la Xunta Xeneral. Amás, dende güei, Roberto Colunga, tien la condición de Voceru Parllamentariu.

El Conseyu de Comunidaes Astuianes informó de dos nueves solicitúes de reconocencia d'Asturianía per parte de los Centros Asturianos de Panamá y Shanghai (China).

Los miembros del Conseyu de Comunidaes Asturianes, órganu consultivu y d'asesoramientu de les instituciones asturianes en materia d'emigración, celebraron un Plenu ordinariu nel que, amás de presentar la memoria d'actividaes desarrollaes a lo llargo del añu 2009, informóse de les actuaciones efectuaes pol Conseyu de Comunidaes nel primer semestre del 2010.

El secretariu xeneral de la ONX, Ban Ki Moon, anunció formalmente la creación d'una comisión internacional pa investigar l'abordaxe de la Flota de la Llibertá.

"Nos dos últimos meses caltuve intensos contactos colos líderes d'Israel y Turquía pa la creación d'una Comisión d'Investigación del incidente de la flotilla del 31 de mayu", esplica Ban nuna nota de prensa. "Güei tengo'l prestu d'anunciar el llanzamientu de la Comisión. Este ye un acontecimientu sin precedentes", afirmó.

El PP considera que'l Gobiernu autonómicu socialista ta desarrollando una estratexa pa "ocupar l'Alministración con amigos" en dellos puestos de responsabilidá.

El presidente del Gobiernu  mostró'l so respetu a la decisión de Cataluña de prohibir los toros a partir del 2012 y afaló a nun politizar esta decisión, anque puea tase en desalcuerdu.

"El Gobiernu ye y va ser respetuosu coles competencies de les comunidaes autónomes", aseguró Zapatero na rueda prensa posterior al Conseyu de Ministros, preguntáu por esta cuestión.

Los sindicatos FIA-UXT y la Federación d'Industria de CC.OO refugaron la propuesta de reglamentu del Conseyu sobre les ayudes estatales al carbón.

La rede social n’asturianu tuvo zarrada ayeri pa iguar una renovación del sistema y l’entamu de les primeres pruebes del API. Amás, agora inclúi’l francés ente los sos idiomes.

El Comité de Derechos Humanos de Naciones Xuníes convidó a Israel a que llevante'l bloquéu  sobre Gaza, pa permitir la entrada d'un equipu independiente d'investigadores.

El próximu 2 d’agostu, a les 13:00 hores, nel Salón d’Actos del Institutu de Cangas del Narcea, entamen los Cursos y Actividaes de la Universidá Asturiana de Branu (UABRA).

El Bloque por Asturies considera que’l descensu del paru, ye un espeyismu que va sumir antes de rematar l'añu cola aplicación de la Reforma Llaboral y la Llei d'Axuste.

Pal Bloque por Asturies, lo único que queda claro colos datos oficiales de la Encuesta de Población Activa ye que'l paru, nun añu, aumentó en Asturies más d'un 15%, asitiándose casi en 80.000 persones oficialmente, lo que representa un 16´38%, afeutando de forma más grave a muyeres y nueves.