El Bloque por Asturies califica de partidista y chancia la visita del Ministru de Fomentu, José Blanco a Asturies, “vuelven tomar el pelo a cuenta de les infraestructures y les inversiones”.

El Coleutivu Pola Xuntanza diz valorar de forma positiva la propuesta y l'apueste de los partíos nacionalistes al rodiu d'una celebración xunitaria del Día d’Asturies, el prósimu 8-S.

Esti coleutivu ta formáu por persones d’organizaciones polítiques asturianistes y ciudadanos independientes, afala la presentación d’una candidatura conxunta de calter asturianista nes próximes eleiciones a la Xunta Xeneral.  Poro, “siempre sofitaremos la realización de toa triba d’actos políticos que supongan l’averamientu de cuantes más fuercies asturianistes meyor”.

La Casa de Cultura de Colunga,  va acoyer ente los díes 18 y 30 d'agostu, la V Muestra d'Artistes Asturianos pola Oficialidá del Asturianu, cedida temporalmente pol CAO.

El próximu llunes 16 d'agostu preséntase en Tapia la XIV edición del Festival Intercélticu d’Occidente. Los británicos ‘The Urban Folk Quartel’ van presentar ellí’l so últimu trabayu.

Asturiana de Zinc nun piensa plantegar un ERE ente'l so millar d'emplegaos. Fuentes de la empresa afirmaron que nun s'entamó nengún trámite, anque nun lo refugaron dafechu.

La llegada d'un centenar de aliaos procedentes de Cantabria, Cartaxena y Astorga va animar el Festival Astur-Romanu de la Vía Carisa qu'aspira a convertise en Fiesta d'Interés Turísticu.

TPA tresmite güei vienres, 13 d'agostu, a les 17:00, l'II Tornéu Muséu de los Bolos, de la modalidá bolu palma, que se va celebrar na bolera La Plaza, en Panes (Peñamellera Baxa).

Ye la segunda vegada que la cadena autonómica tresmite bolos d'esta especialidá, una de les principales d'esti deporte xuntu cola cuatriada, bolu vaqueiru y bolu celta.

Juan Luis de la Vallina morrió ayeri a los 77 años na Clínica Universitaria de Pamplona tres una grave enfermedá. Foi un hestóricu del PP d’Asturies y ún de los pás del Estatutu.

Juan Luis de la Vallina Velarde (Uviéu, 1932) foi presidente de la Diputación Provincial d’Uviéu de 1976 a 1977, d’esi añu a 1983 foi presidente d’Alianza Popular n'Asturies, tamién exerció como diputáu por Asturies nel Congresu español.

El xuez de l'Audiencia Nacional Fernando Andreu alcordó permitir la manifestación que va percorrer el centru de San Sebastián "en defensa de los derechos d'Euskal Herria".

L'Asociación de Promotores Asturianos tachó de "antiasturiana" y "insultante" la programación la gala del Día d'Asturies entamada pola Sociedá Rexonal de Turismu.