Berlusconi va sometese en setiembre a una moción de confianza

El primer ministru italianu, Silvio Berlusconi, va sometese en septiembre a una moción de cofianza na Cámara de los Diputaos y ésti tendrá que dimitir si sal derrotáu.

Asina lu esplicó'l voceru del grupu parllamentariu del partíu Pueblu de la Llibertá (PDL), Fabrizio Cicchitto.
  
"En septiembre Berlusconi va presentar una plataforma basada nunos pocos puntos. Esperamos que puea conformase una mayoría que los apoye y renovar asina la confianza nel Gobiernu", dixo Cicchitto. "De lo contrario, nesi momentu nun va haber más alternativa que les elecciones", indicó.
  
El presidente de la Cámara de los Diputaos y rival de Berlusconi na coalición, Gianfranco Fini, dexó'l pasáu miércoles al subsecretariu de Xusticia, Giacomo Caliendo, superar una moción de censura gracies a l'astención de los diputaos averáu a Fini. De trunfar, diba suponer un grave golpe al Gobiernu de Berlusconi.
  
Tamién s'astuvieron parte de los apostaos opositores de la Unión de los Demócrates Cristianos y de Centru (UDC), l'Alianza pa Italia (API) y el Movimientu pa les Autonomíes (MPA), grupos que sumen al par de los aliaos de Fini un total de 75 escaños y dan-yos poder bastante pa baltar el gobiernu de Berlusconi.