La UABRA acueye la representación de ‘El criáu de dos amos’
|
5 Agostu, 2010 por Damián Barreiro
- Inicie sesión o rexístrese pa espublizar comentarios
El Teatru Conde Toreno va acoyer la representación de la obra de Nun Tris ‘El criáu de dos amos’, una actividá entamada pola UABRA en collaboración col Conceyu de Cangas.
La obra foi escrita por Carlo Goldoni y estrenada en 1741. La puesta n'escena de Nun Tris contien los elementos que caracterizaron el teatru nos sos orixes: teatralidá, alta maña física, música, personaxes farsescos, con tola fuerza y tresparencia del teatru popular.
Enmarcada na espresión Commedia dell´Arte del teatru, la representación recrea les comedies propies del sieglu XVII italianes dando un tonu de modernidá n'aspeutos como'l vestuariu, la lluz o la música.
La obra ta basada nel trabayu actoral, a partir del cuerpu y del movimientu, dende les tipoloxíes físiques, improvisaciones y coreografíes a lo qu'hai que sumar el trabayu con mázcares.
Efrén d'Andrés
