La sociedá mesta d’esportaciones Asturex va desendolcar aiciones con vocación internacionalizadora en 15 mercaos de cuatro continentes a lo llargo del 2012. Pal 23 de marzu tien prevista una misión comercial en Marruecos.
Los asturianos y asturianes yá pueden disfrutar nes sos cases de la película ‘McLintock’ n’asturianu. Gonzali Producciones presenta’l xueves en Xixón el DVD d’esti western, a la venta en dellos comercios del país dende esta selmana.
Los vecinos de Tapia, El Franco, Cuaña y Navia atopáronse’l vienres la sorpresa de l’apertura del tramu de l’A-8 ente Tapia y Navia. Sicasí, comprobaron que’l ministeriu continúa ensin cumplir cola llegalidá na materia de toponimia.
El 25 de marzu próximu van celebrase eleiciones nacionales anticipaes, convocaes por Francisco Álvarez-Cascos el 30 de xineru. Esta selmana los partíos y coaliciones han de presentar los sos representantes ante la Xunta Eleutoral.
L’equipu de traductores de software llibre n’asturianu, Softastur, completó la torna del cliente de corréu multiplataforma Thunderbird na so edición 10.0. Esti programa ye creación de la Fundación Mozilla, autor tamién del restolador Firefox.
El Partíu Asturianista (PAS) nun va participar nes eleiciones del 25 de marzu. Sicasí, el so compañeru de viaxe nes cites últimes coles urnes, la URAS, sí tien previsto presentar candidatura a la presidencia del país.
899.939 residentes n’Asturies y 89.793 emigrantes tienen derechu a votu nes eleiciones nacionales anticipaes del 25 de marzu, 2.712 persones más qu’en mayu. El censu eleutoral va poder consultase del 6 al 13 de febreru.
El Conseyu d’Estudiantes de la Universidá d’Uviéu criticó’l nomamientu d’Alicia Castro Masaveu como presidenta del Conseyu Social de la institución. Tamién amosó’l so refugu a la composición definitiva del órganu.
Les cifres del paru continúen medrando n’Asturies a un ritmu de vértigu. Nel mes de xineru, 6.070 persones perdieron el so emplegu, lo qu’acerca les cifres del paru a la barrera nunca vista de los 100.000 paraos al rexistrar 96.070.
La revista La Sidra ta acabante de solicitar al Conceyu de Xixón que permita’l consumu de sidra na cai porque “forma parte de la nuesa realidá sociocultural”. El borrador de la ordenanza de convivencia nun permite beber alcohol na vía pública.
