L’Arribada entamó esti martes un homenaxe a Luis Argüelles Sánchez pol so llabor de recuperación y estudiu de la cultura asturiana. Decenes de compañeros y amigos nun quixeron perder la oportunidá de da-y les gracies pola so trayeutoria.
El presidente d’Asturies cifró en 1.283 millones d’euros los recortes de Mariano Rajoy qu’afeuten al país. Pa Francisco Álvarez-Cascos “nun ye almitible” que quedemos “a la cabeza de les comunidaes más penalizaes por estos retayos”.
Francisco Rivas dimitió esti martes del so cargu como direutor de Mediu Ambiente tres conocer que ta siendo investigáu pol xuez Ángel Sorando. Supuestamente solicitó ayuda a un funcionariu pa da-y trabayu al fíu d’un amigu.
La empresa organizadora de La Vuelta comprometióse a la utilización de la toponimia oficial nel so percorríu per Asturies. La Direición Xeneral de Política Llingüística encargóse de tratar esti tema con Unipublic.
PSOE, PP y IX-LV presentaron estil lunes una enmienda a la totalidá del proyeutu de presupuestos de FAC. El Gobiernu diz nun entender la postura de los populares y defende les sos cuentes, que califica de “riguroses” y “reales”.
Esti domingu zarró les sos puertes la madrilana Feria Internacional de Turismo (Fitur), onde Asturies tuvo presente. El stand del país nel IFEMA recibió 50.000 consultes y acoyó 67 alcuentros profesionales.
Esti xueves celebróse la primer mesa-taller de les cuatro coles que la XDLA fai una revisión del Llibru Blancu. Nella, Beatriz Quirós señaló que’l Gobiernu “paez que tien la intención” d’apoyar la creación de la especialidá d’asturianu.
Trece semeyes d’obres de la esposición ‘Xovellanos y el so entornu nes coleiciones del Muséu de Belles Artes d’Asturies’ conformen el calendariu del 2012 de la pinacoteca. Ésti ta editáu n’asturianu, gallego-asturiano y castellanu.
Los rellatos ‘Arrecendor d’Azahar’, de Marisa López Diz, y ‘Estraños conocíos’, de Pablo Rodríguez Medina, lleváronse’l IX Concursu de Cuentos Curtios de Cangas. El gallardón tien una recompensa de 500 euros.
