L’Academia de la Llingua Asturiana (ALLA) ta acabante d’anunciar, al traviés de les redes sociales, la espublización del ‘Vocabulariu de Miranda’. Esti trabayu ye obra del fináu Xosé Álvarez Fernández ‘Pin’ y introdúcese na coleición 'Preseos'.
El presidente d’Asturies insiste na so intención d’aconceyar col ministru d’Industria, Enerxía y Turismu, José Manuel Soria. El vienres, Francisco Álvarez-Cascos unvió-y una tercer carta pa entamar una reunión na que tratar temes d’interes pal país.
El conceyal xixonés Carlos Rubiera faló nel Plenu d’esti vienres d’un compló supuestu del PSOE contra él y el conseyeru de Cultura, Emilio Marcos Vallaure. Fixo referencia a un corréu electrónicu unviáu, por error, a la xerente del Xovellanos.
Pablo Pérez, edil de Conceyu Abiertu por Noreña, propunxo al restu de partíos con representación municipal l’aprobación d’una ordenanza pal usu del asturianu. El documentu ye asemeyáu al aceptáu pol PSOE n’otros conceyos.
Dende esti vienres y hasta’l 3 de marzu, la Casa de los Alberti acueye la esposición ‘100 años d’anarcosindicalismu n’Asturies’. La muestra fai un percorríu pela historia d’esti movimientu dende los sos empiezos nel 1910 hasta agora.
La Coordinadora Ecoloxista d’Asturies solicita a la Conseyería de Cultura y Deporte qu’investigue les decisiones de Patrimoniu con motivu de la construcción del parque eólicu de Lombreiros. Ésti afeuta al castru d'El Chao Samartín.
Los órganos representativos del Bloque por Asturies y UNA alcordaron participar en coalición nes eleiciones nacionales anticipaes del 25-M. Dambes formaciones apuesten por esta opción pa continuar col procesu xunitariu tres esa fecha.
Inaciu Galán va participar nel Cunceilho Anternacional ‘Las lhénguas nun statales i las nuobas tecnologies de l’anformaçon i de la quemunicaçon’ que va celebrase n’Aveiro. L’Associaçon de Lhéngua Mirandesa entama esti eventu.
El 7 de febreru de 1997, depués de dellos díes en prebes, apaecía oficialmente na rede Asturies.com, o lo que ye lo mesmo Asturia, la comunidá asturiana n'Internet. Ésti foi'l nome col que se conoció la web nos sos primeros años de vida.
‘Reunido’ ye’l nome de la plataforma entamada pola Universidá d’Uviéu pa la consulta y descarga de les sos revistes científiques. L’oxetivu ye facilitar l’accesu llibre a la investigación especializada que se fai na institución universitaria.
