Una sentencia del Tribunal Supremu impide que les escueles d’enseñanza artística puedan utilizar la denominación de grau pa los sos estudios. D’esta forma, resuelve una demanda presentada por delles facultaes de Belles Artes.
 

La organización bretona Ai’ta celebró esti sábadu una xornada en Brest pa preparar la manifestación convocada’l 31 de marzu en dellos puntos del Estáu francés pa defender la llingua propia. Una delegación de Xunta Moza participó nel eventu.
 

El recorte final del presupuestu de l’Academia de la Llingua Asturiana (ALLA) va ser del 40 por cientu. Esta mengua nueva, conocida’l llunes por Ana María Cano, lleva a la presidenta a reclamar la intervención de Francisco Álvarez-Cascos.
 

El cantautor Alfredo González y los grupos Asturiana Mining Company, Bacotexo, Macadamia y Xera van aspirar a llevase’l Premiu al Meyor Cantar d’esti añu. La gala va celebrase’l 25 de febreru en Xixón nel Teatru de la Llaboral.
 

Andecha Astur confirmó nun comunicáu la decisión tomada’l sábadu de presentase a les eleiciones con eses sigles y non al traviés de la plataforma d’eleutores Conceyu Abiertu. Tamién anunció la so intención de siguir col procesu de xunidá.  
 

El Muséu Casa Natal de Xovellanos va ser sede esti xueves d’un alcuentru d’harpistes. Nél va participar la bretona Morgane Le Cuff, de visita n’Asturies y Galicia, amás de los asturianos Dani García de la Cuesta y José Jaime Rubial.
 

La Fundación Parque Histórico del Navia reedita nuna edición billingüe’l llibru ‘Nosoutras, en femenino y singular. 9 vidas. Muyeres nel Navia-Porcía’. Esta obra asoleyóse namái en castellanu en payares del 2010.
 

‘Compromisu por Asturies’, la marca cola Bloque por Asturies-UNA va presentase a les eleiciones del 25-M, incorpora a Los Verdes-Grupo Verde. La organización ecoloxista y animalista yá formo parte de la coalición Unidá.
 

Tres anunciar que va prescindir de 200 emplegaos en Xixón, Arcelor-Mittal comunicó esti llunes a los sindicatos la so decisión de parar la llinia de pintura d’Avilés. Los cerca de 30 trabayadores van ser recolocaos n’otros puestos de la factoría.