Mariu Arbesú, candidatu de Conceyu Abiertu a les eleiciones nacionales últimes, considera que’l 25-M ye "una oportunidá nueva pa intentar una candidatura única lo más amplia y abierta posible”. La plataforma va aconceyar esti sábadu.
Un 46 por cientu de los usuarios d’Asturies.com consideren que la decisión de Carlos Rubiera de sustituyir a José Luis Cienfuegos al frente del FICXixón foi desacertada. Sicasí, un 35 por cientu apoyen la iniciativa del conceyal de FAC.
La coleición ‘Quemando cromo’ de Suburbia Ediciones incorpora un segundu títulu. Trátase de ‘Cuando ensamen les abeyes’, una novela d’historia-ficción escrita por Nicolás Bardio, escritor asturianu afincáu en Bruxeles.
Esti martes, Coxersa anunció l’encargu d’un ‘Plan ponte’ que proponga alternatives pal tratamientu de residuos a partir del 2015. La Coordinadora acusa al consorciu de tresmitir falsedaes a la población pa xustificar la incineradora.
Bloque y UNA, enfotaos na puesta en marcha d’una plataforma p’axuntar l’asturianismu, vense obligaos a paralizar temporalmente esti procesu por mor de les eleiciones nacionales anticipaes. Éstes van tener llugar el 25 de marzu.
Nel 2011 espublizáronse un total de 103 llibros en llingua asturiana, lo que supón una medra del 151 por cientu en comparanza col añu anterior. Les obres escrites n’asturianu conformen el 13 por cientu del total de títulos editaos n’Asturies.
La compañía irlandesa Ryanair va operar dende l’Aeropuertu d’Asturies dende’l 3 d’abril. L’aerollinia de baxu coste vien a tapar los güecos que dexa Spanair tres el so pieslle, yá qu’ufiertaba dos vuelos diarios a la capital catalana.
Francisco Álvarez-Cascos anunció esti llunes la convocatoria d'eleiciones n'Asturies pal 25 de marzu. La prórroga presupuestaria y la situación d'ingobernabilidá na Xunta Xeneral, lleva al líder de FAC a tomar esta decisión.
El diputáu d’IX, Gaspar Llamazares, presentó a la Mesa del Congresu cuatru entrugues n’asturianu y castellanu per primer vegada na historia. Nelles reclama al Ministeriu d’Educación que se pronuncie sobre la especialidá docente.
Los diputaos de la Xunta Xeneral con dedicación absoluta, esto ye, la gran mayoría de los 45 de la Cámara, tienen un sueldu mensual mínimu de 3.655,9 euros y dos pagues del 70 por cientu. El presidente, Fernando Goñi, cobra 4.898,58 euros.
