700 siguidores en Facebook y 500 en Twitter. Asturies.com continúa sumando amigos nes redes sociales nun procesu d’adaptación a los tiempos coincidiendo cola celebración del 15 aniversariu d’esti portal de noticies n’asturianu.
L’Asociación Cultural N’Ast presentó un escritu ante la Xunta Eleutoral pa qu’haya papeletes n’asturianu nos colexos eleutorales y que los ciudadanos puedan exercer el derechu a votar na so llingua. Nes estatales del 20-P nun s’ufrieron papeletes pa ello.
La sidra asturiana yá cuerre pela población bretona de Pleskob. Esti vienres entama’l XVI Roue Waroch, festival dedicáu esti añu a Asturies, con Tuenda, Menaxatrua Cuartetu y DRD como primeros embaxadores.
L’ERE presentáu’l xueves por Rioglass Solar, aprovechando la llexislación llaboral nueva, afeuta a 200 trabayadores y dexa a 17 na cai. Los sindicatos proponen a la empresa tresllaos a Strarglass, del mesmu grupu, pa salvar los emplegos.
Asturies va vivir dende esta nueche cinco díes de folixa, mázcares y gastronomía. Llega l’Antroxu, festividá asturiana que nel pasáu entamaba col solsticiu d’iviernu y qu’agora resúmese a les xornaes previes al Miércoles de Ceniza.
Francisco Álvarez-Cascos va repetir como candidatu de Foro Asturias Ciudadano (FAC) nes eleiciones nacionales anticipaes del 25-M. Mentes, Cristina Coto pasa a ocupar el númberu dos de la llista y Pelayo Roces mantién el trés.
La Conseyería de Cultura y Deporte refirióse a la necesidá d’establecer prioridaes pa esplicar el recorte del 40 por cientu nel presupuestu de l’ALLA. Tamién llamentó qu’Ana María Cano nun esplicara que’l retayu nun yera definitivu.
Un 41 por cientu de los usuarios d’Asturies.com consideren que Foro Asturias Ciudadano (FAC) va caltener el Gobiernu y va salir reforzáu nes eleiciones nacionales anticipaes. Un 20 por cientu apuesta pol trunfu del PSOE y un 11, pol del PP.
Xunta Moza ta acabante de convocar la tercer edición del concursu lliterariu ‘Demuestra’l to amor pola llingua’. Los interesaos en participar tienen hasta’l martes pa declarase a la so llingua materna en 140 carauteres.
