Gaspar Llamazares celebró esti xueves una xunta colos responsables de l’Academia de la Llingua Asturiana. Tres l’alcuentru, el diputáu d'IX anunció que va usar l’idioma del país nel Congresu pa entrugar sobre la especialidá d’asturianu.
El ‘Conceyu Abiertu’ activu hasta esti xueves dexó nidia la opinión de los nuesos llectores sobre los políticos que nos representen nel Congresu. Un 60 por cientu considera qu’éstos anteponen los intereses de partíu a los d’Asturies.
La paralización de l’actividá de cuatro servicios de normalización lleva a Iniciativa pol Asturianu a reclamar a Política Llingüística que cumpla cola normalización del idioma. Entiende que'l so deber ye mirar por qu’éstos se caltengan.
Pa primeros de febreru ta previsto que tea a disposición del públicu una edición especial de ‘La nueche de los muertos vivientes’. El DVD inclúi dellos estres xunto con esti clásicu de George A. Romero, too dafechu n’asturianu.
Tres el manifiestu de sofitu a José Luis Cienfuegos robláu por 31 cineastes asturianos, fixóse públicu un comunicáu nesi mesmu sen cola firma de más de 400 profesionales de tol mundu. Toos amenacen con boicotiar el FICXixón.
El Conceyu por Otra Función Pública n’Asturies (COFPA) dio a conocer la sentencia del Supremu que confirma l’anulación del sistema de nomamientu “a deu” del Gobiernu. Critica que se gastaren perres públiques nun recursu ensin fundamentu.
Como yá ye vezu cuando principia l’añu, dellos servicios de normalización llingüística quedaron paralizaos pola pasividá de los conceyos. Nesta ocasión son trés los SNL afeutaos –Llaviana, Corvera y Ozcos-Eo–, a los qu’hai que sumar Mieres.
Un stand más pequeñu y una orientación más comercial. Éstes son les dos novedaes principales de la presencia d’Asturies na Feria Internacional de Turismu (Fitur) que principia esti miércoles en Madrid y que va allargase hasta’l domingu.
La Universidá Popular de Xixón ufierta un añu más los sos cursos d'asturianu en dos niveles, básicu y mediu, siendo la duracción total de dambos de trenta hores llectives.
