El Gobiernu ta alertando estos díes de les consecuencies de la prórroga presupuestaria na que ta Asturies tres el refugu del so proyeutu de cuentes na Xunta Xeneral. Asina, avisa que suprime'l ‘cheque-críu’ y que paraliza'l Campus de la Salú.
Esti xueves tuvo llugar nel salón d’actos del Conseyu de la Mocedá de Xixón la entrega de diplomes a los alumnos y alumnes que completaron los dos cursos d’asturianu entamaos pol CUPA. Nellos participaron 30 persones.
Tres 16 años de vida y 700 númberos, Les Noticies va dexar d'acudir a la so cita fiel de los vienres colos llectores. La crisis, al igual que pasó en Galicia con otres cabeceres, arrampuña a Asturies el so únicu periódicu dafechu n’asturianu.
Nacho Carballo yá ye, de manera oficial, direutor del FICXixón en sustitución de José Luis Cienfuegos. El Conseyu d’Alministración del Teatru Xovellanos aprobó’l so nomamientu colos votos en contra de los representantes del PP.
El presidente del país calificó de “moción de censura destructiva” que PP y PSOE xuntaren los sos votos pa valtar el proyeutu de presupuestos de FAC. “Vamos siguir alantre col compromisu de cambiu”, confirmó Fracisco Álvarez-Cascos.
Esta fin de selmana va tener llugar en Santiago de Compostela la XIII Asemblea Nacional del Bloque Nacionalista Galego (BNG). Una de les propuestes a tratar ye la creación d’una estructura organizativa na zona del Navia-Eo.
La falta d’un alcuerdu ente FAC y PP lleva a Asturies a vivir una prórroga presupuestaria, la quinta de la so historia. Los populares y el PSOE votaron en contra de les cuentes de Francisco Álvarez-Cascos, mentes qu’IX-LV astúvose.
El Teatru Municipal de L’Entregu va acoyer esti vienres la gala inaugural del XV Concursu de Tonada de Samartín. Los campeones de la edición anterior, Marisa Valle Roso y Héctor Braga, van participar na primer actividá del certame.
“Nun pue almitise nenguna negociación onde'l puntu de partida sía'l retayu de derechos y llibertaes básiques". Bloque por Asturies-UNA amuesa’l so descontentu pol borrador de la ordenza de convivencia ciudadana de Xixón y pide la so retirada.
La escritora xixonesa Carla Menéndez ta acabante espublizar cola editorial Pintar-Pintar l'álbum ilustráu "Xovellanos, un paisanu melgueru", dedicáu a la figura del ilustráu asturianu.
