La tasa d'albuertu n'Asturies foi nel 2007 de 11,22 interrupciones voluntaries del embaranzu (IVE) por cada 1.000 muyeres d'ente 15 y 44 años, según los datos definitivos del 2007, recoyíos nun informe del Ministeriu de Sanidá y Consumu al que tuvo accesu Europa Press.
 

La Real Academia Galega ta acabante de distribuir el “Mapa Sociolingüístico de Galicia 2004”, nel que s’afita que dende l’añu 1992, primer vez que se fixo esti informe, hasta los datos últimos recoyíos en 2004, la llingua gallega pasó de ser l’idioma habitual pal 61% de los gallegos a selo, doce años depués, de solo’l 39%.

El númberu d'inmigrantes non comunitarios n'Asturies multiplicóse por cuatro nos últimos cinco años. Nel Principáu viven 21.608 inmigrantes non comunitarios nel 2009 de los que 9.564 tán daos d'alta na Seguridá Social y 3.579 son demandantes d'emplegu. Nel añu 2003 el númberu d'estraxeros non comunitarios diba ascender a 4.883.
 
Asina lo esplicó güei'l Delegáu del Gobiernu nel Principáu, Antonio Trevín, demientres una rueda prensa qu'ofreció na sede de la Delegación pa presentar los datos xenerales de los inmigrantes n'Asturies.
 

El Serviciu d'Emerxencies Méliques (SEM) atendió esta nueche a 36 estudiantes y, según la versión policial, 46 mosos, toos ellos firíos dempués de que los manifestantes 'antibolonia' entamaren una concentración sin autorización na Plaza Universitaria, informaron a Europa Press fontes de la Policía de la Generalitat.
 
Polo menos una persona resultó detenida nel trescursu de la manifestación, a la a qu'asistieron 2.500 persones, según la Guardia Urbana, y 5.000 según el Sindicat d'Estudiants dels Països Catalans (SEPC).
 

La Escuela de Maxisteriu va someter a votación la propuesta de creación d'una Mención de Llingua Asturiana nel so futuru plan d'estudios nuna sesión monográfica convocada espresamente pa esti tema, que va tener llugar a primeros de la próxima selmana, previsiblemente'l llunes. La proposición d'asturianu va votase, poro, al marxe de les otres cuatro menciones, que van dir incluyíes n'otra propuesta sobre la que se va decidir n'otra sesión diferente.
 

La conseyera d'Alministraciones Públiques y Vocera del Gobiernu del Prinicipáu, Ana Rosa Migoya, destacó güei'l "bon clima de trabayu", el "entendimientu total y la convivencia normal dafechu" col so sociu de Gobiernu, IU-BA-Verdes, nos cien primeros díes dende que se firmare l'acuerdu de gobiernu ente dambes formaciones. Migoya destacó que l'aprobación de los presupuestos "foi sin duda la decisión de mayor caláu".
 

Detectóse agua líquido salao nuna de les pates de la sonda espacial Phoenix de la NASA . Esta ye la primer vez na hestoria qu'agua n'estáu líquido ye detectada y retratada fuera de la Tierra. Sigún ún de los investigadores principales de la misión, Nilton Renno, "un númberu garnde d'evidencies físiques y termodinámiques falen de que la presencia d'agua salao ye un fechu común en Marte".
 
 
 

La llingua bretona puede tar viviendo les sos últimes décades como llingua viva según los datos qu’ufre l’últimu estudiu sobre esti idioma asoleyáu pol sociollingüísta Fañch Broudic y tituláu “On parle encore breton au XXIe siècle” (“Falamos bretón entá nel sieglu XXI”). La encuesta d’usu y conocimientu de bretón recoyida nel llibru afita que nel 2007 quedaben 172.000 falantes, mientres qu’hai diez años yeren 246.000.

El Ministeriu de Mediu Ambiente, Mediu Rural y Marín editó un DVD, dientro de la serie 'Fondu documental audiovisual modernu', denomináu 'El castaño de San Esteban', que se rodó na aldea asturiana de San Esteban, en Peñamellera Baxa.

Los trabayadores de Corporación Alimentaria Peñasanta (Capsa) decidieron adelantar la convocatoria de fuelga a los díes 20 y 23 de marzu, "ante la repercusión" del paru del tresporte, previstu de magar el día 25 de marzu y con carácter indefiníu, según apuntaron fontes sindicales a Europa Press.