Celaá tamién llanza balones fuera con respeuto a la especialidá docente

La ministra socialista d’Educación y Formación Profesional, Isabel Celaá, nun va dar el pasu de crear la especialidá docente d’asturianu y gallego-asturiano. Ye lo que s’entiende de la respuesta evasiva dada a SUATEA, que demandaba la introducción d’una modificación nos decretos d’especialidaes que permitiera la so regulación.

Les escueles van participar nuna campaña de concienciación pa un consumu responsable del agua

‘Nun dexar a naide atrás; agua pa toos’ ye’l lema del Día Mundial del Agua que se conmemora esti vienres, coincidiendo col 22 de marzu. Escolines y escolinos de Sobrescobiu y Casu conmemoraron esta xornada inaugurando la campaña pa un consumu responsable que va llegar escueles de tol país con visites a la Casa del Agua y a Baíña.

Uviéu dende'l Naranco

Uviéu, Benia y Cuaña yá son topónimos oficiales

La toponimia tradicional d’Uviéu, Onís y Cuaña pasa a ser dende esti xueves la única oficial d’estos conceyos. Nel casu de la capital del país tien la denominación billingüe Oviedo/Uviéu, al igual que delles parroquies y llugares como San Claudio/San Cloyo, San Esteban/San Isteba o Los Concejiles/Los Conceyiles, mentes que Benia pierde l’apellíu ‘d’Onís’ y derógase la forma castellana ‘Coaña’.

Plenu d'Avilés

El Reglamentu Orgánicu Municipal d’Avilés nuevu afita finalmente la posibilidá d’emplegar l’asturianu

El Plenu d’Avilés d’esti xueves aprobó por unanimidá el Reglamentu Orgánicu Municipal nuevu. Ésti inclúi, a pidimientu de Somos Avilés, un artículu sobre la llingua nos procedimientos qu’afita l’emplegu del asturianu depués de que’l primer proyeutu del PSOE retirara l’únicu esistente que facía referencia al usu del idioma.

El borrador del Estatutu de les Empreses Lletrointensives nun convence a naide

El Gobiernu sumóse al descontentu xeneral col borrador del Estatutu de les Empreses Lletrointensives redautáu pol Executivu de Pedro Sánchez amosáu pola industria, los trabayadores y los partíos políticos. El conseyeru Isaac Pola confirmó que va presentar alegaciones énte unes midíes “positives pero insuficientes”.

Caldo y Os Rabizos

“El discu ye un repás de lo que facemos normalmente en direuto”, apunta Miguel Rodríguez Monteavaro

Caldo y Os Rabizos ta acabante de grabar el so primer discu, ‘A música tradicional del Eo-Navia’, “un repás de lo que facemos normalmente en direuto”, y protagoniza una cuestación popular na rede que ta siendo un ésitu. En cuatro díes yá cumplió'l 95 por cientu del so oxetivu y anuncia recompenses y sorpreses nueves.

Víctor Velasco, Patricia Ferrero, Genaro Alonso y Santiago García Granda firma protocolu del Sidrón

Róblase un protocolu d’actuación sobre’l Sidrón que “pon en valor la riqueza del xacimientu”

El Gobiernu, el Conceyu de Piloña, el Conseyu Superior d’Investigaciones Científiques (CSIC) y la Universidáu d’Uviéu roblaron esti llunes un protocolu d’actuación pa la proteición, investigación y difusión de la cueva del Sidrón. De cuatro años de vixencia, “pon en valor la riqueza y l’ayalga que significa’l xacimientu”, afirma’l conseyeru Genaro Alonso.

Skama la Rede

Skama la Rede graba cuatro cantares “nos qu’evolucionamos nel nuesu soníu” y prepara’l so primer videoclip

“Siguimos nel mesmu estilu, pero evolucionamos nel nuesu soníu como yá asocedió con ‘Avante’”, avanza Miguel Fernandi ‘Burilo’, cantante de Skama la Rede. El grupu ta acabante de grabar cuatro cantares que van salir en formatu dixital nos meses próximos y prepara’l que va ser el so primer videoclip en 16 años de carrera.

Vehículu col logu Uviéu

L’ALLA destaca el “valir especialmente simbólicu” de la oficialización de la toponimia tradicional d’Uviéu

L’aprobación de la toponimia tradicional d’Uviéu, a falta entovía de la so espublización nel BOPA pa la so entrada en vigor, llevó a l’Academia de la Llingua Asturiana (ALLA) a felicitar al Gobiernu por esti pasu. “Tien un valir especialmente simbólicu” por ser el conceyu “onde s’asitia la capital del Principáu”, destacó.

Guia del ociu pa güei

Corteza y derivados
Localidá: Uviéu
Sitiu: Manglar Ecosistema Cultural
Tipu d'eventu: Esposiciones
XIII Festival de Teatru Amateur: 'Los amores de Ximielga'
Localidá: Uviéu
Sitiu: Teatru Casino de Trubia
Tipu d'eventu: Teatru
Apuntes para una pelicula de atracos
Localidá: Xixón
Sitiu: Paraninfu de la Llaboral
Tipu d'eventu: Proyecciones
Larreal
Localidá: Avilés
Sitiu: Teatru Palacio Valdés
Tipu d'eventu: Danza
Semeyes d'Asturies de Ruth M. Anderson pa la Hispanic Society of America, 1925
Localidá: Xixón
Sitiu: Muséu del Pueblu d'Asturies
Tipu d'eventu: Esposiciones