Skanda foi’l representante asturianu na estaya ‘Palco Ibérico’ del Festival Internacional Máscara Ibérica. Pepe Fueyo, guitarra acústica y voz, repasó con Asturies.com les sensaciones que despertó nel grupu la so presencia nel certame lisboeta.
El Conciertu pola Oficialidá celebra’l sábadu 8 de xunu nel Parque Inglés de Xixón la so edición númberu 25. Nesta ocasión tán especial va contar coles actuaciones de Dixebra, N’Arba, Felpeyu, La Tarrancha, La Bandina y Dani Stylo.
La Casa de la Música de Mieres acueye dende esti martes, y hasta’l xueves’, les xornaes ‘Gaiteres, Gaiteros, Gaites…’. Nestes trés xornaes va haber delles actividaes y actuaciones con esti instrumentu tradicional como protagonista.
Eduardo Martínez Llosa, alcalde de Siero, tuvo presente nel FIMI de Lisboa en compañía de Mauricio Bogomak, conceyal de Rellaciones Institucionales. El primer edil disfrutó en Portugal cola participación de Los Sidros y La Comedia.
El Conseyu de Comunidaes Asturianes recuperó esti sábadu, tres un añu d’ausencia, el Día de les Lletres Asturianes na Emigración. Al igual que na Selmana de les Lletres, recordóse la figura de la poeta valdesana Nené Losada Rico.
El xueves ye’l día caberu pa inscribise na prueba de conocencia d’asturianu de mayu de l’ALLA, que va tener llugar el sábadu n’Uviéu. D’igual forma, yá ta abierta la matrícula pa la Universidá Asturiana de Branu (UABRA) en Cangas del Narcea.
El proyeutu TermAst ta acabante d’incorporar la décima propuesta terminolóxica. Ésta centráse nel campu meteorolóxicu y ye obra de Rubén Fernández Martínez (Avilés, 1977), llicenciáu en Ciencies Físiques y meteorólogu amateur.
Del 9 al 12 de mayu, Asturies tuvo una representación importante nel Festival Internacional Máscara Ibérica (FIMI) de Lisboa. Asturies.com ufre a los sos llectores una galería de semeyes que lleven la firma d’Iván G. Fernández.
