El númberu d'inmigrantes non comunitarios n'Asturies multiplicóse por cuatro nos últimos cinco años

19 Marzu, 2009 por E.P. / Redacción

Inicie sesión o rexístrese pa espublizar comentarios

El númberu d'inmigrantes non comunitarios n'Asturies multiplicóse por cuatro nos últimos cinco años. Nel Principáu viven 21.608 inmigrantes non comunitarios nel 2009 de los que 9.564 tán daos d'alta na Seguridá Social y 3.579 son demandantes d'emplegu. Nel añu 2003 el númberu d'estraxeros non comunitarios diba ascender a 4.883.

Asina lo esplicó güei'l Delegáu del Gobiernu nel Principáu, Antonio Trevín, demientres una rueda prensa qu'ofreció na sede de la Delegación pa presentar los datos xenerales de los inmigrantes n'Asturies.

Por países, la población mayoritaria inmigrante non comunitaria n'Asturies ye de nacionalidá ecuatoriana (4.576); siguida de la colombiana (3.260); la dominicana (1.819); l'arxentina (1.140); la marroquí (1.642) y la brasileña (1.344).

Por zones, la presencia d'inmigrantes non comunitarios multiplicóse, nos últimos cino años, por cuatro n'Uviéu (8.614); por tres en Xixón (6.036); por cuatro n'Avilés y en Siero (1.152 y 830), por cinco en Mieres (362) y por seis en Llanes (337).

Trevín manifestó que de los 21.608 estranxeros non comunitarios, 9.661 son homes y 11.947 son muyeres. "La estabilidá d'estes persones nel Principáu provocó la reagruapción de familiares", señaló Trevín. Nesti sen, de 450 reagrupaciones nel 2003 pasóse a 790 nel 2007 y a 570 nel 2008. "La cifra descendió pola crisis económica", destacó'l responsable del Gobiernu.

Sobre les ocupaciones de los estranxeros non comunitarios, nel Principáu hai 9.974 persones daes d'alta na Seguridá Social en Réxime Xeneral. Pela so parte, nel Réxime Especial Agrariu hai 352; nel emplegu domésticu 2.139, la mayoría muyeres; emplegaes na minería hai 419 persones, na mar 240 trabayadores y existen 2.026 autónomos.

Trevín agradeció nesti sen la collaboración de los axentes sociales, especialmente a CC.OO, UXT y FADE por collaobrar, coordinar y apoyar la integración de los inmigrantes estranxeros non comunitarios nel Principáu.

Comentarios

Berto wrote on 23 Marzu, 2009:

Nesti tema, como en munchos otros hai muncha demagoxa. Nun entiendo´l silenciu social ante´l poblema migratoiu que ufrimos. Asturies por suerte en menor midía que otros territorios del Estau, pero ufrímoslu asemeyao.
El procesu migratoiu ñaz y extiéndese nun determinau contextu artificial y acotau nel tiempu, que ye´l conociu Boom inmobiliariu, la famosa burbuxa. Pa sostener la construcción desmidía y con ella l´artificial crecimientu económicu los gobernantes, primero el PP y llueu el PSOE recurren a una inmigración descontrolao y sin cortapises. En 10 años recibimos más inmigrantes que toa Europa xunta, y too a pesar de ser munchos los que sabién que la bonanza económica yera un espexismu que explotaría.
Agora que explotó, encontrámonos con 6 millones de inmigrantes, los cuales ya nun tienen xustificación económica pa tar aquí, y sí munches xustificaciones sociales y fiscales pa tornar al so pais d´orixen.
Dicir esto paez que ye tabú. Lo más ablucante ye que día a día, nel chigre, nel trabayu, cola familia, cada vez que sal el tema la postura ye la mesma. Ta lleno inmigrantes, sobren inmigrantes, tan riéndose de nos, tol día una noticia nel periódicu sobre delitos d´inmigrantes.... eso sí, ente collacios, en públicu naide diz ni mu, toos callen como afogaos.
¿Acabarase con esta hipocresía algún día y reclamará la xente les midíes llóxiques escontra la inmigración descontrolao y en munchos casos illegal? ¿O seguiremos asumiendo´l pueblua la responsabilidá pa colos males del mundu a costa del nuesu bienestar?
Esti debate por desgracia ta perdiu dende´l momentu que política y mediáticamente hai una postura d´acallar y censurar determinaes postures que reclamando simplemente una regulación y control del efectu migratoriu y les sos consecuencies negatives, son consideraos falsamente como racistes o xenófobos.