Nesti momentu hai informaciones contradictories sobre la presencia de la llingua asturiana nel plan que va presentar nes próximes selmanes a votación l'equipu directivu de la Universidá, anque según  les últimes declaraciones de la directora de la escuela l'asturianu sí va tener una Mención.

La Tertulia Cultural “Pachín de Melás” entama un alderique col títulu de “¿Qué facer cola prostitución? Encruciyaes y propuestes” nel que van participar Ana Luisa Ordóñez, autora del llibru "Feminismu y Prostitución. Fundamentos del debate actual en España", y Marisa Cuesta, portavoz de la estaya d'igualdá d'Unidá Nacionalista Asturiana. L’actu va tar presentáu por Yolanda G. Huergo.

La recién creada Plataforma de Docentes de Llingua Asturiana, colectivu qu’agrupa a bona parte de los maestros d'Educación Primaria y profesores de Secundaria d'asturianu y gallego-asturiano, va aconceyar esti xueves cola Academia de la Llingua y col diputáu d’IX-BA-LV, Francisco Javier García Valledor, col oxetivu de treslladar el “sentir de la Plataforma tocante a la precaria situación de l'asignatura y el profesoráu d'asturianu y fala eo-naviega”.

Unidá Nacionalista Asturiana manifestó la so “preocupación polos emponedores datos del informe de FUNCAS (Fundación de las Cajas de Ahorros), que coloca a Asturies na cola de tolos datos económicos en rellación cola crisis económica que tamos sufriendo” y amuesa a les clares que “les declaraciones del gobiernu asturianu de que aguantaríemos meyor la crisis que les demás comunidaes yeren y son cenciellamente mentires”.

Esti xueves 12 de marzu va presentase’l llibru “La Poesía Lírica Asturiana” nel Atenéu Obreru de Xixón, na cai Covadonga, 7-1º Izda. L’actu va conducilu Vicente García Oliva y va contar cola presencia del críticu teatral Boni Ortíz y de la filóloga Balbina Meana, que collaboró nesta edición.

Los presidentes de les comunidaes autónomes d'Asturies, Cantabria y Castiella y Lleón, Vcente Álvarez Areces, Miguel Ángel Revilla y Juan Vicente Herrera, firmaron güei en Lleón el conveniu de collaboración pol que van xestionar de manera compartida y coordinada'l Parque Nacional de Picos d'Europa, onde aseguraron que se trata d'un espaciu "singular y únicu", polo que van reivindicar una mayor dotación presupuestaria per parte del Executivu central.
 

Los profesores universitarios de Llingua Asturiana Ramón d’Andrés, Álvaro Arias-Cachero Cabal, Taresa Fernández Loreces, Roberto González-Quevedo González y Xulio Viejo Fernández, qu'imparten docencia d'esa materia na Facultá de Filoloxía y na Escuela Universitaria de Maxisteriu, espresen nun manifiestu “el nuestru deséu de que la Mención de Llingua Asturiana s'apruebe en Plan d'Estudios d'esi centru”.

La nueva revista Atlántica XII  presentóse oficialmente al públicu como un mediu destináu a xuntar a la "masa crítica d'Asturies, que nesti momentu ta espardida", en pallabres del so director, el periodista Xuan Cándano.
 

L’Ulster ta reviviendo nes últimes hores episodios que yá paecíen escaecíos y que recuerden a los sos peores momentos de violencia política. Si’l sábadu una escisión del Exércitu Republicanu Irlandés asesinaba a dos soldaos británicos nuna base militar d’Antrim, ayer pela nueche un policía norirlandés resultaba muertu d’un disparu en Craigavon. La paz precaria algamada hai una década puede peligrar n’Irlanda.

El diputáu del grupu parlamentariu del PP, Alfonso Román López pidió güei al conseyeru d'Industria y Emplegu del Principáu, Graciano Torre, que torgue que la empresa Esplotaciones Mineres del Cantábricu división minera Río Narcea Gold Mines, desrrolle'l nuevu intentu d'esplotación d'una mina en Salave, Tapia de Casariego. Román López indicó qu'esta esplotación diba acabar col modelu económicu del conceyu basáu nel turismu de calidá.