La tasa d'albuertu n'Asturies foi de 7,72 interrupciones por cada mil muyeres d'ente 15 y 44 años nel 2007

La tasa d'albuertu n'Asturies foi nel 2007 de 11,22 interrupciones voluntaries del embaranzu (IVE) por cada 1.000 muyeres d'ente 15 y 44 años, según los datos definitivos del 2007, recoyíos nun informe del Ministeriu de Sanidá y Consumu al que tuvo accesu Europa Press.
 
De la mesma manera, de dichu informe s'entiende qu'un total de 112.138 muyeres d'ente 15 y 44 años albortaron n'España nel 2007, una cifra que casi duplica los rexistros 1998 (53.847 casos). Asina, la tasa d'interrupciones voluntaries del embaranzu de les españoles s'asitien en 11,49 interrupciones voluntaries del embaranzu (IVE) por cada 1.000 muyeres d'eses edades.
 
La Comunidá de Madrid, con 16 albuertos por cada 1.000 muyeres d'ente 15 y 44 años, ye la rexón española con mayor tasa d'interrupciones voluntaries del embaranzu. A ésta-y siguen Baleares, Murcia y Cataluña, frente a Galicia, Cantabria, Estremadura y Navarra, que fueron les comunidaes autónomes onde menor tasa d'albuertos se practicaron nel 2007.
 
En concreto, la tasa d'albuertos por mil muyeres d'ente 15 y 44 años foi de 4,51 en Galicia; 4,63 en Cantabria; 5,46 en Estremadura; 5,65 en Navarra; 6,38 en Castiella Lleón; 6,84 nel País Vascu; de 7,72 n'Asturias; 8,2 en Castiella La Mancha; 8,64 en La Rioxa; 10,46 na Comunidá Valenciana; 11,22 n'Andalucía; 11,91 n'Aragón; 14,31 en Cataluña; 14,8 en Murcia; 14,91 en Isles Baleares, y de 16 casos en Madrid.
 
Amás, l'informe espeya que por grupos d'edá son les muyeres de 20 a 24 años, siguíes de les de 25 a 29 años d'edá les que mayor tasa d'albuertu presenten. En concreto, el perfil xeneral de la muyer que se realiza una interrupción voluntaria del embaranzu ye una muyer soltera (67,23 por cientu) d'ente 20 y 24 años d'edá (28.242 de les 112.138), con estudios de segundu grau en primer ciclu (32,28 por cientu) o de segundu grau y segundu ciclu (27,56 por cientu) y que na so gran mayoría ye asalariada (62,93 por cientu) y ensin fíos (48,28 por cientu) o con un fíu (25,28 por cientu).
 
Dende qu'hai rexistros, la tendencia nel númberu d'albuertos n'España fueron n'ascensu dau que la tasa en 1998 yeren de seis casos por cada 1.000 muyeres; nel 2002 fueron 8,46 casos por cada mil muyeres, hasta llegar a los 11,49 por cada 1.000 nel 2007.