José Ángel Gayol y Francisco ‘Paco’ Álvarez’ presentaron nel marcu de la Feria del Libro de Xixón les sos obres gallardonaes nos Premios Lliterarios 2019. L’ensayu ‘El silenciu invisible’ y la novela ‘Los xardinos de la lluna’, editaos dambos por Trabe, atraxeron a munchu públicu magar l’agua qu’acompañó la tarde.

Lleva'l títulu de 'El máxicu viaxe de Fionna de Morlay' y la banda de folk-rock progresivu va presentalu'l 11 d'ochobre en L'Infiestu.

"Coincidimos en qu'agora más que nunca ye'l momentu de que la RTPA dea pesu a la llingua asturiana", tresllada la organización.

Detectáronse 102 casos esti miércoles.

La Conseyería de Salú confirmó más d'un centenar de casos positivos por COVID na xornada d'ayeri. Los 102 afeutaos, a esceición de 3 que foron hospitalizaos, son asintomáticos o presenten síntomes leves de la enfermedá provocada pol coronavirus SARS-CoV-2, y tán aisllaos nos sos llares.

Amás, 4 persones diganosticaes en díes anteriores ingresaron ayeri nel hospital. Anguaño hai na UCI 13 persones, les mesmes que'l martes, y 39 en planta, 2 más, con 5 curaciones que ponen el total d'altes epidemiolóxiques en 2.222.

Alejandro Fernández-Osorio lleva’l so primer Xuan María Acebal de poesía cola obra ‘Tayu’, el so segundu poemariu n'asturianu tres 'Magaya'. Trátase del segundu de los cinco Premios Lliterarios que falla la Conseyería de Cultura, Política Llingüística y Turismu.

Escritores, músicos, actores, dibuxantes promotores, editores..., hasta sumar un total de 118 persones, roblaron un manifiestu de títulu ‘Por una RTPA al serviciu de la cultura asturiana’. Nél piden una “presencia digna, global y permanente de la cultura asturiana” nel ente públicu de comunicación de país.

Los efeutos del biltu de Llaviana tán dexándose notar nel restu de la cuenca del Nalón. L'aumentu de la incidencia de la COVID-19 llevó a la Conseyería de Salú a ampliar l’alerta naranxa a los conceyos de Samartín del Rei Aurelio y Llangréu, con restricciones a la hostelería del llugar y llende a les agrupaciones de persones nos chigres.

Descuéntase un positivu de la serie por un falsu positivu, polo que'l total queda en 4.771.

Esta competición ye la primera oficial de fútbol que se xuega con aficionaos dende'l parón pola declaración del estáu d'alarma.

La final del XII Premiu al Meyor Cantar, que nesta edición incorpora’l nome Camaretá como homenaxe a esta agrupación cultural y musical, va tener llugar nel Cine Fantasio de Navia’l 13 de payares. Rodrigo Cuevas, Silvia Quesada, Mapi Quintana y Slum Suit son los escoyíos pol xuráu pa defender los sos temes na gala.