Día del Llibru Asturianu

Aconceya'l xuráu del XII Premiu al Meyor Cantar

|
Camaretá

El gallardón incorpora'l nome de Camaretá.

Antón García va presidir esta tarde'l xuráu del XII Premiu al Meyor Cantar, que va recompensar el tema n'asturianu o gallego-asturiano más destacáu ente los asoleyaos nel 2019 o esti añu hasta'l 16 de xunu. Va aconceyar a les 16.30 hores na sede la Direición Xeneral de Política Llingüística.

La novedá d'esta convocatoria del gallardón ye la modificación del nome, que pasa a ser Premiu al Meyor Cantar Camaretá n’homenaxe a la que foi la primer agrupación cultural y musical del Surdimientu. Nel 1975, “como una llinia trazada entre Sotrondio y L'Entregu”, empezaron a axuntase baxo’l nome Camaretá un grupu de xente mozo, ente los que taben Chus Pedro, Manolo Peñayos, Nel Xiblata, Manuel Asur, Xuan Marcos, Teresa Estrada o Aurora Roces, que contaben con esmoliciones musicales y lliteraries, venceyando la recuperación de les llibertaes, la creatividá y la llingua asturiana.

Na imaxe, portada interior del llibru 'Cancios d'Asturies: asina canta Camaretá'.

Contador Estadistiques