Los de Ziganda ganen 0-1 con un tantu en propia de Berrocal y consolídense nel sestu puestu al acumular cuatro trunfos siguíos.

Magar que la primer información del Gobiernu yera que ‘Prado’ diba ser el nome de la capital de Caravia cola aprobación de la recuperación de los nomes de llugar tradicionales, el decretu toponímicu rexistra la forma billingüe ‘Caravia l’Alta/Prado’. Cambia tamién el toponimu de la parroquia de Caravia la Baxa, mentes que se caltienen el de tolos núcleos de población como Bandalisque o Los Duesos.

El martes 3 de mayu va arrancar la XLIII Selmana de les Lletres Asturianes, esti añu dedicada al músicu y dibuxante Ígor Medio. Al igual que los años últimos, va estrenase un documental y editase un llibru sobre la figura del autor, a los que se suma nesta edición un conciertu d’homenaxe cola participación de docenes de músicos.

Sidoro Villa ta acabante d’asoleyar ‘El fervinchu’, obra cola que ganó’l XLI Premiu Xosefa Xovellanos de novela, correspondiente al añu 2020. L’autor de Lieres fálanos del so cuartu llibru p’adultos nun videu p’Asturies.com, “una llectura que pue resultavos prestosa” que se desendolca “nun mundu rural asturianu en desaniciu”.

La vixilancia céntrase dende'l 28 de marzu n'ámbitos y grupos vulnerables.

Nun mes crecieron un 3 por cientu.

La ministra de Tresportes, Movilidá y Axenda Urbana tuvo en Ribeseya pa presentar el proyeutu de reparación y ampliación de la ponte sobre'l Seya pela que pasa la N-632.

El númberu d'hospitalizaos pasa de 168 pacientes a 247 en cuatro díes.

34 años depués de la espublización de ‘La islla prieta’ y ‘Stock de cock’ n’asturianu, l’aventura de Tintín que lu lleva hasta Alba torna a editase. Ye una versión nueva, tornada por María Xosé Rodríguez López, tercer proyeutu de la iniciativa de les editoriales catalanes Zephyrum y Trilita de traducir al personaxe belga a delles llingües del Estáu.

El diputáu de Ciudadanos na Xunta presentó alegaciones al espediente abiertu pol partíu.