Los precios aumenten un 9,5 por cientu nun añu pol costu de la lletricidá y los carburantes

Nun mes crecieron un 3 por cientu.

L'Índiz de Precios de Consumu (IPC) medró un 9,5 por cientu n'Asturies según los datos fechos públicos güei pol Instituto Nacional de Estadística (INE). Ye un porcentaxe menor que la media estatal, que s'afita nun 9,8 por cientu.

Castilla-La Mancha, con un 11,7 por cientu; Castilla y Lleón, con un 11; y Aragón, con un 10,7, son los territorios con más inflación nel añu últimu, mentes que los meyores datos son los de Ceuta y Canarias (6,8) y la Comunidad de Madrid (6,9). La xuba vien marcada pol aumentu de los costos de la vivienda (9,7) y el tresporte (7,1) pol preciu de la enerxía y el carburante, de manera respeutiva.

En comparanza col mes anterior, en marzu crecieron los precios nel país un 3 por cientu, media tamién estatal. No que respeuta a lo que va del 2023, los porcentaxes tán, respeutivamente, nun 3,3 y un 3,5.