L’ausencia del asturianu y del gallego-asturiano n’Infantil, que “supón amás una ruptura drástica na transición de la llingua materno-ambiental a la institucional-escolar con bultables consecuencies negatives nel procesu de deprendimientu”, y la falta de cambios en Primaria, Secundaria y Bachilleratu lleva a SUATEA a falar de “marxinalidá” de les llingües propies. Recalama equidá col castellanu na enseñanza.

El presidente fixo una declaración institucional pol cuarentenu aniversariu de la toma de posesión de Rafael Fernández como primer dirixente d'Asturies.

La cifra d'hospitalizaos descendió a 275 pacientes, de los que 263 tán en planta.

El 17 de mayu del 1982 tomaba posesión como presidente d’Asturies Rafael Fernández, xenru de Belarmino Tomás y ministru de Xusticia y Orde Públicu nel Conseyu Soberanu d’Asturies y Lleón. Enantes, dende’l 1978, fora presidente del Conseyu Rexonal y taría nel cargu hasta les eleiciones del 8 de mayu 1983.

Los miembros de la comunidá educativa asturiana van ser protagonistes de la campaña nueva de la Conseyería de Cultura, Política Llingüística y Turismu, p’animar a la matriculación na materia de Llingua Asturiana y d’Eonaviego. Baxo’l lema de ‘Ye nuestra, ye pa ti / É nosa, é pra ti’ sustitúi la de #Apúntate y entama cola emisión d'anuncios en RTPA.

Teatru, esposiciones y música componen la programación d'esta celebración entamada dende'l Serviciu de Normalización Ḷḷingüística.

Refierse al de creación de la Rede de Normalización Llingüística asoleyáu nel BOPA, que "nun se corresponde" col borrador nin col testu que salió a información pública.

‘Die unendliche Geschichte’, el llibru de Michael Ende del 1979 popularizáu pola película del 1984 del tamién alemán Wolfgang Petersen, yá se pue lleer en llingua asturiana como ‘La hestoria inacabable’. Xesús González Rato, qu’enantes tornara ‘Momo’ del mesmu autor, encargóse de traducir esti llibru qu’asoleya Radagast.

Ye'l segundu trabayu del gaiteru avilesín, qu'incorpora temes cantaos nesti álbum depués d'un primeru instrumental dafechu.

El primer actu públicu d’Aína dexó abiertes munches llinies de trabayu a una organización que quier ser “un glayíu que ponga nel centru la necesidá de tresformar la realidá social y política del país”. Margarita Fernández Mier, Xosé Antón Fernández ‘Ambás’ y Tino Brugos participaron nel alderique ‘¿Falamos d’estatutos? ¿Falamos d’Asturies?’.