Con optimismu y ilusión arrancó esti domingu en Corvera un proyeutu políticu asturianu nuevu. Aína celebró’l so Congresu Fundacional en Les Vegues con más d’un centenar de persones presentes y l’enfotu d’algamar “una Asturies na que poder vivir y trabayar con dignidá y mirando al futuru” y “una salida de la crisis pensada dende Asturies”.

Escoyíu pola militancia de Podemos pa ser el númberu 2 de la llista eleutoral pa les eleiciones, Xune Elipe tien claro que “ye necesaria una plataforma, un frente, un bloque o como se quiera llamar, amplia, plural y abierta a xente que trabaye dende, por y p’Asturies”. “Tien que ser lo más amplia posible, con asturianistes, federalistes o soberanistes, pa condicionar la política del país”, añade.

Más d’un centenar de afiliaos con derechu a voz y votu van participar na mañana del domingu en Corvera nel primer Congresu Nacional d’Aína, de calter fundacional, un proyeutu políticu pensáu p’Asturies y dende Asturies. Los presentes van aldericar les ponencies y enmiendes presentaes, y van escoyer la Mesa Nacional.

N'avientu del 2021 la cifra yera del 60 por cientu. Un 92 por cientu cientu de los votantes del PSOE y un 79 de los de Foro, a favor.

La candidatura crítica cola direición de Podemos, Somos Asturies, resultó la más votada de les primaries pa la formación de la llista eleutoral de mayu. Cova Tomé sumó 1.565 puntos polos 1.150 d’Alba González Sanz, mentes que Xune Elipe algamó más apoyos al cuerpu y va dir de númberu 2, con Laura Tuero de 3.

Carlos Alba 'Cellero', primer ganador del Premiu Nel Amaro de Teatru Profesional en Llingua Asturiana y Gallego-asturiano, torna a llevar esti gallardón 5 años depués. Si nel 2017 foi con ‘Llázaro de Tormes’, l’adaptación propia del clásicu castellanu, agora failo con ‘Les madreñes vacíes’, fábula basada nun poema de Miguel Hernández.

Esti vienres y sábadu van desendolcase en Xixón les xornaes ‘(Sobre)vivir n’Asturies. Presente y futuru del territoriu y la so población’, primer actividá pública de Grana. Fundada por collacios y compañeros de militancia de Yolanda González Huergo, busca crear espacios de reflexón y esparder la forma de ver el mundu de la xixonesa.

La PNL presentada por Podemos y IX contra los espectáculos taurinos refugóse colos votos en contra del PP, Ciudadanos, Foro, VOX y el diputáu Luis Armando Fernández Bartolomé. La FSA-PSOE astúvose alegando qu’esti asuntu, que buscaba encamentar a la derogación la llei estatal que regula la tauromaquia como patrimoniu cultural, debería tratase nel Congresu.

L'artículu esplica en poques pallabres qué ye’l gas natural y el gas llicuao y cómo se trata enantes de llegar a los llares y les fábriques.

Últimamente fálase muncho del gas natural con motivu de la guerra n’Ucrania. Muncho del que llega a Europa procede precisamente de Rusia, del que dependen sobre manera los países más cercanos, como Alemaña.

“Ye una dimisión pautada frutu de conversaciones fluyíes cola direición nacional”, esplicó María Teresa Mallada, hasta esti martes presidenta del Partido Popular (PP) n’Asturies. L’ayerana va siguir como diputada y vocera parllamentaria na Xunta Xeneral hasta mayu, mes d'eleiciones, y confirmó que “voi incorporame a la direición nacional”.