Va ponela Ángel B. Villa, del Muséu Arqueolóxicu d'Asturies, en Lluanco.

La ‘Cultura Sidrera Asturiana’, como s’esperaba, va repetir como candidata oficial d’España énte la UNESCO como Patrimoniu Cultural Inmaterial. Esti añu foi una de les que quedó fuera d’evaluación pola preferencia cola que cuenten los estaos con menos elementos reconocíos, pero nel 2023 asegura’l pase del corte.

La desapaición del topónimu ‘Xixón’ del Palaciu mientres el tornéu de tenis ATP 250, la falta de conteníos n’asturianu na web municipal y dellos incumplimientos del Plan de Normalización van tratase na Comisión de Servicios y Derechos Sociales del Conceyu d’esti xueves. Podemos-EQUO Xixón rexistró delles entruges al respeuto.

"Permitiría da-y normalidá, visibilidá y reconocimientu a la llingua asturiana", diz.

“Quiero que los mios nietos sigan falando de la xarda, el piescu, l’arbeyu o la pataca”, afirmó Carmen Moreno, xerente de la Unión de Comerciantes de Asturias, que collabora en ‘Les coses pol so nome’. Esta campaña de la Direición Xeneral de Política Llingüística busca promover l’usu del asturianu y el gallego-asturiano a la hora de facer la compra y cuenta con folletos, cartelos y espacios en televisión y radio.

'BibliTEcuida' ye'l lema qu'usa esti añu'l ministeriu pa celebrar el 24 d'ochobre.

Inaciu Galán conviértese nel primer bibliotecariu de l’Academia de la Llingua Asturiana (ALLA). Coincidiendo col Día de les Biblioteques la institución fai esta anuncia y l’entamu d’un proyeutu del académicu xixonés consistente na creación d’un repositoriu o archivu dixital de material históricu sobre la lliteratura asturiana de consulta pública.

Carla Miranda, Iratxe Espina, Loreto Suárez y Juan Yagüe, o lo que ye lo mesmo, Algaire, completen un 2022 d’ésitu y confirmación como banda col XIV Premiu Camaretá al Meyor Cantar. Foi esti sábadu na gala final de la Llaboral, na que tamién participó Dixebra y Mostru l’Horru, con ‘Coral y maera’, cantar que da nome al so primer discu.

L'Uvieu y el Sporting tienen viaxes curtios, a Torrelavega y Beasain, de manera respeutiva.

Eva Tejedor & Les Pandereteres, Pandereteres de Fitoria y Dobra van actuar na carpa instalada na plaza Les Aceñes, onde nun van faltar les castañes, los tortos o la sidra del duernu.