El PP escueye a Diego Canga como candidatu a la presidencia del país

|
Diego Canga

Alberto Núñez Feijóo yá decidió candidatu pa la presidencia del país. Va ser finalmente una persona non afiliada al Partido Popular (PP) la escoyida pol gallegu, un altu funcionariu de la Xunión Européu, l’uvieín Diego Canga, que nel 2018 recibiera la Medaya de Plata d’Asturies.

“Munches gracies pola gran cantidá de muestres de sofitu que toi recibiendo y la ilusión que tresmiten”, espresó esta mañana’l direutor de Divulgación, Investigación y Indicaciones Xeográfiques dientro de la Direición Xeneral d’Agricultura y Desarrollu Rural de la Comisión Europea. Enantes, ayeri, respondía a un mensaxe emponderándolu del secretariu xeneral del PP d’Asturies, Álvaro Queipo, con un agradecimientu y la confesión “toi deseando llegar a Asturies y principiar a trabayar contigo pa cambiar el rumbu de la nuesa rexón”.

Canga ye, poro, l’apuesta de Núñez Feijóo n’Asturies pa tratar de competir pola presidencia del país col socialista Adrián Barbón depués de descartar a Teresa Mallada. L'uvieín ye una persona con un ampliu currículu, esperiencia na xestión pública y un perfil independiente col que buscará atrayer el votu de centroderecha.

Na semeya, Canga ayeri nel so despachu en Bruxeles.

Contador Estadistiques