Trabayu otorga la Medalla d'Oru a José Ángel Fernández Villa pola so defensa de los trabayadores

|

José Ángel Fernández Villa recibirá la condecoración el próximu martes de la Medalla d'Oru al Méritu nel Trabayu, de manes del ministru de Trabayu, Celestino Corbacho, pola so defensa de los derechos de los trabayadores, que-y ocasionó'l despidu en nueve empreses.
   José Ángel Fernández Villa nació en Tuilla (Llangréu), nel corazón de les cuenques mineres asturianes. Entamó la so actividá llaboral a temprana edá y más tarde, nel mundu de la minería, la so andadura na actividá política y sindical.
   En 1970 ingresó nel PSOE y na UXT. La so alta nes organizaciones socialistes incrementó'l so activismu políticu y sindical, lo que-y ocasionó hasta nueve despidos nun clima duru y represivu.
   Xunto con otros comapñaeros del SOMA-UXT participó na constitución de la primer representación democrática de los trabayadores, la comisión de los 16, lo que supunxo la so elección como Delegáu de los Trabayadores del Pozu Candín (Hunosa) nes primeres elecciones sindicales de la democracia. La so trayectoria foi decisiva nel procesu de reconstrucción de les organizaciones democrátiques socialistes n'Asturies.
   Dende esti momentu asumió diferentes responsabilidaes como miembru del Comité Confederal de la UXT, de la Comisión Executiva Federal del PSOE y foi diputáu rexonal y senador por Asturies, ente otros cargos.

Comentarios

De comedia.

¿Como se llamaba la película aquella d'un soldáu de cuando la guerra mundial que quería una medalla y andaba tiros tol día a ver si-y la daben?

Gabis

Gobernar y fundir un país despoticamente dende la solombra aunque salga a la lluz pública ye percansao, escosa a cualquiera, el probe ye merecedor.

Contador Estadistiques