La Guardia Civil de tráficu realizará nes carrteres asturianes controles nos tresportes col oxetivu d'interceptar salmones garraos nos ríes asturianos de manera furtiva. "Ye mui importantes controla esti aspectu, porque los salmones asturianos que se comercialicen illealmente salen per carretera", esplicó'l delegáu del Gobiernu n'Asturies, Antonio Trevín.
   La midida anuncióla Trevín nuna rueda prensa n'Uviéu, tres caltener un conceyu col conseyeru d'Ordenación del Territroriu y Infraestructures, Francisco González buendía, y los altos mandos de la Guardia Civil n'Asturies. L'oxetivu del conceyu foi el de dir coordinando actucaciones contra'l furtivismu, el fraude y la vixilancia, ante l'alarmante descensu de la pesca del salmón na última campaña.
   Según Trevín, la vixilancia de la normativa y la llucha contra'l furtivismu ye una "prioridá" nesti momentu, ante la importancia emblemática que tien la especie nel Principáu d'Asturies. Asina, defendió que les diferentes alministraciones trabayen de manera "coordinada", compartiendo información.
   Buendía esplicó que'l descensu de la pesca de salmones nun ye dalgo qu'afecte sólo a los ríos asturianos, dao qu'en tol Cantábricu pasa lo mesmo. Punxo en valor los estudios científicos y señaló que'l so departamentu ta trabayando nuna nueva normativa qu'entrará en vixencia l'añu que vien y que s'esplicará a les fuerces del orde en xornaes que se celebrarán nos próximos díes.
   El conseyeru añadió que dio orde pa que se faiga l'análisis correspondiente del númberu de cormoranes que va haber qu'abater, dao que los depredadores son una de les causes del baxu númberu de salmones.