L'Asociación Xuvenil “Mezá” entama la segunda edición d’estes xornaes culturales nel conceyu de Bual. Les actividaes van separtase en dos díes, el 14 de payares y el 5 d'avientu. Nel primer d'ellos va desendolcase la charla de dos historiadores, Esperanza Martín y Fernando R. del Cueto, col títulu de “El trabayo d’arqueólogo nel occidente d’Asturias”. Va ser a les seis de la tarde. Esi mesmo día, a les 20:00 hores, va celebrase un conciertu del cantautor turonés Alfredo González.

El diputáu d'IU-BA-Verdes, coalición que ye socia del PSOE nel gobiernu asturianu, Francisco Javier García Valledor, dixo güei que la parte socialista del Executivu rexonal ta "dando la espalda" a una resolución aprobada pola Xunta Xeneral del Principáu d'Asturies al nun cesar del so cargu al presidente de l'Autoridá Portuaria de Xixón, Fernando Menéndez Rexach.
 

Nafarroa Bai presentará mañana una enmienda a la modificación de la Llei Foral del Vascuence pa exixir la cooficialdiá de les "dos lllingües propies de Navarra", l'eusquera y el castellán, "en tol territoriu foral". En casu de que se refugue, presentará una segunda enmienda pa que la zona mista s'amplía de manera qu'incluya llocalidaes como Sangüesa, Viana, Tafalla y Mendigorria, ente otres, nes que la ciudadanía dio muestra de que quieren pertenecer a la mesma.
 

Miles de persones manifestáronse esti sábadu na población ocitana de Carcasón en defensa de la llingua occitana, falada nesta zona de Francia y tamién nel valle d'Arán, zona de Cataluña llendera con Aragón.
 

El coordinador federal d'Izquierda Xunida (IU), Cayo Lara, afirmó esti llunes que ye una "necesidá vital" que'l Gobiernu "corrixa" les sos polítiques pola izquierda y se "aparte de la senda del neolliberalismu", y sorrayó que "la izquierda política y social debe tomar la cai p'algamalo".
 

El 13 de payares fina'l plazu pa presentase a la séptima edición del Concursu de Comic n’Asturianu “Comarca de la Sidra”. Nél pueden participar persones de cualquier nacionalidá, mayores de 14 años, con obres orixinales de tema y técnica llibre, con testos escritos n’asturianu. Los trabayos han entregase nel Serviciu de Normalización Llingüística de la Mancomunidá de la Comarca de la Sidra o nes Oficines d’Información Xuvenil de la comarca.

Un centenar de persones contraries a la monarquía y a la ceremonia de los premios Príncipe d'Asturies manifestáronse ayeri de tarde peles cais d'Uviéu, convocaos pola plataforma República Asturiana, baxo la conseña 'Príncipes d'Asturies, ¿quién lo decidió?'.
 
Los manifestantes diéronse cita na Estación de Renfe d'Uviéu, y percorrieron la cai Uría enseñando pancartes con mensaxes contrarios a la monarquía y cantando lemes a favor d'una 'República Asturiana', y contra la presencia de representantes de la Corona n'Asturies.
 

El 16 de payares será la fecha d'entamu de la vacunación contra'l gripe A en toa España de manera simultánea, según apuntó la conseyera aragonesa de Salú y Consumu, María Luisa Noeno, a la salida del plenu del Conseyu Interterritorial del Sistema Nacional de Salú (CISNS), que se celebra nel Ministeriu de Sanidá y Política Social.

El conseyeru d'Industria y Emplegu del Principáu, Graciano Torre, refirióse güei a la decisión del Conseyu d'Alministración del puertu d'El Musel d'aplazar l'axudicación de la planta de ciclu combináu, entendiendo que ye una "situación transitoria pola crisis". Aseguró, amás, que-y "paez mui razonable que si HC y Endesa --les dos empreses qu'opten a la instalación-- tán negociando p'acordar una inversión conxunta'l puertu-yos dea un marxe pa desarrollar esta negociación".

Izquierda Xunida-Bloque Por Asturies-Verdes tien claro que la posible manipulación del documentu d'impactu ambiental de la obra d'asfaltáu na Ruta l'Alba, casu que la propia Viceconseyería de Mediu Ambiente llevó a la Fiscalía, nun foi un error d'un funcionariu, sinón que se debió a "una decisión política, sobre la que nel so momentu va haber qu'analizar responsabildiaes polítiques".