Trabanco prevé superar el millón de kilos de mazana asturiano na collecha d'esti añu

El Grupu Trabanco prevé superar el millón de kilos de mazana asturiano de sidra na collecha d'esti añu. El llagar, con sede de Llavandera (Xixón), prevé collechar nes sos propies plantaciones sobre 600.000 kilos de mazana de sidra de delles variades.
 
Según indicó la compañía en nota prensa, esto supón un incrementu del 50 por cientu frente a la collecha del 2008, añu en que Trabanco recoyó 400.000 kilos de mazana nes sos propies plantaciones.
 
En total, Trabanco espera algamar el milllón de kilos gracies a los contratos comerciales que caltién con distintos collecheros de mazana de sidra de toa Asturies. D'esta manera, Trabanco aumentará un 25 por cientu la collecha de mazana asturiana frente a les cifres algames nel 2008, añu nel que'l llagar xixonés mayó sobre 800.000 kilos de mazana d'orixe autóctonu.
 
"Esti añu, tendremos en producción cerca de la metá de toles nueses plantaciones, dao que recolectaremos mazana nunes 30 hectárees de terrenu, de les 65 de que disponemos en total. En toes elles, tamos aplicando les técniques de cultivu más innovadores y de mayor fiabilidá na llucha contra la vecería. El nuexu oxetivu ye algamar  una producción lo más estable posible, tanto en cantidá como en calidá", aseguró Samuel Trabanco, xerente de Grupu Trabanco.
 
Collechando un millón de kilos de mazana asturiano. Grupu Trabanco averaríase al millón de botelles de sidra d'orixe 100 por cientu autóctonu. La mayor parte d'esta producción destinaríase a la marca de garantía de calidá 'Sidra de Mazana Seleccionada', de la que Trabanco forma parte, xunto con Muñiz, Peñón, Foncueva, El Gobernador y La Nozala.
 
La Sidra de Mazana Seleccionao ellabórase con sólo 20 variedaes de mazana asturiano de sidra y debe superar dellos controles y auditoríes, realizaes pola empresa de certificación Bureau Veritas.
 
L'últimu d'estos controles ye una Mesa de Cata, na qu'un reconocíu xuráu emite'l so veredictu sobre la calidá de la sidra presentada a exame. Sólo la que supera'l Notable, como nota media, sal al mercáu cola contra-etiqueta de calidá que distingue a la Sidra de Mazana Seleccionao.
 
Per otra parte, el destín de la sidra Trabano ye cada vez más internacional. Al mercáu asturianu, únense distintos mercaos nacionales (Madrid, Levante y La Rioxa), y dellos países a los que'l llagar asturianu yá esporta, como ye'l casu de Bélxica, Suiza, Italia, México, Estaos Uníos, Guatemala o Australia.