El grupu de rock lapón Somby foi’l vencendor del Festival de Llingües Minoritaries Liet International celebráu na ciudá frisia de Leeuwarden. Una edición na qu’Asturies tuvo representada pol cantautor turonés Alfredo González, que foi’l primeru n’actuar nel Teatru De Harmonie col so cantar “La nada y tu”, quedándose nel novenu puestu con 40 puntos. Los sardos Dr.

Caxastur ta acabante de facer una ufierta económica por valor de 400 millones d'euros pa facese col control de Caja Castilla-La Mancha (CCM), que d'esti mou convertiríase nuna filial dependeiente de la entidá asturiana. Esta operación, aprobada pol conseyu d'alministración de la caxa, cuenta col preste del Gobiernu asturianu, de la FSA y de los sindicatos CC.OO y UXT.

Hevia, Macaco, Despistaos, Dixebra y Oysterband son dalgunos de los grupos incluyíos nel cartel del festival "Llanes al Cubo. La Folixa del Tardíu", que se celebra esti fin de selmana, del 30 al 1 de payares. A los conxuntos yá mentaos, xúnense los finlandeses Frigg, Toumani Diabaté (Mali), Pablo Moro y el grupu xixonés Tush, encabezáu pola vocalista llanisca Ana Morán.

El númberu 101 de la revista Lletres Asturianes, que publica l'Academia de la Llingua Asturiana, dedica bona parte de la so estensión a analizar diversos aspectos sintácticos, gráficos y de vocabulariu del lleonés y l'asturllonés medieval, amás d'otros temes d'estudiu, como la meteoroloxía popular da zona de Cabu Peñes.

El Conceyu d'Ayer aprobó por unanimidá una moción na que pide que'l promotor de la llinia eléctrica Sama-Velilla suspende la tramitación del proyectu actual. El documentu plantega, nesti sen, la necesidá de que la evaluación d'impactu ambiental de l'actuación vuelva entamase "incluyendo na mesma l'estudiu de toles alternatives, tanto de trazáu como funcionaes que, amás de ser técnicamente vidables, amenorguen l'impactu propiu de la llinia".

La emisora uviéina emitirá esti sábadu 31 d'ochobre dende Frisia’l Festival de Llingües Minoritaries Liet International. A les 20.00 hores Dani Vallina, Carlos Pulgar y Felix Lillo cuntaran dende’l Teatru De Harmonie de Leeuwarden como les once comunidaes llingüístiques participantes van defendiendo los sos temes. Alfredo González será’l primeru en xubise al escenariu pa interpretar “La nada y tu”, tema ganador del Premiu al meyor cantar 2009.

La conseyera de Cultura y Turismu del Principáu, Mercedes Álvarez González, anunció en rueda prensa la convocatoria d'un conceyu col Ministeriu de Cultura, la Ilesia, y los conceyos, pa debatir sobre la conservación, el caltenimientu, l'espardimientu y la puesta en valor de los monumentos prerrománicos asturianos.

El cantautor asturianu Alfredo González va representar a Asturies esti sábadu 31 d'ochobre nel festival Liet International, eventu musical nel que distintos artites ufren los sos canteres en llingües minoritaries. El cantautor asturianu va interpretar el tema 'La nada y tu', elexíu 'Meyor Cantar en Llingua Asturiana 2009'. Dende'l Gobiernu asturianu confirmen que la directora xeneral de Política Llingüística, Consuelo Vega, desplazaráse a la población holandesa de Leeuwarden (capital de Frisia), p'asistir al actu.

El Gobiernu del Principáu d'Asturies manifestó'l so apoyu a a la celebración d'un referendu llibre, tresparente y democráticu que permita garantizar el derechu d'autodetermín del pueblu saharaui y qu'acabe cola situación de los refuxaos de Tindouf, que lleven 35 años dependiendo de l'ayuda humanitaria pa sobrevivir.

El Plenu del Congresu de los Diputaos aprobó por 185 votos a favor y cuatro astenciones, la remisión al Senáu del proyectu de refomra de la Llei Orgánica 4/2000, de 11 de xineru, sobre Derechos y Llibertaes de los Estranxeros n'España colos votos a la escontra del Grupu Popular y la coalición ERC-IU-ICV y UPyD. El votu favorable procedió de CiU, Coalición Canaria y el PNV, qu'apoyaron al Grupu Socialista na votación.