Radio Sele va tresmitir dende Frisia’l Liet International

|

La emisora uviéina emitirá esti sábadu 31 d'ochobre dende Frisia’l Festival de Llingües Minoritaries Liet International. A les 20.00 hores Dani Vallina, Carlos Pulgar y Felix Lillo cuntaran dende’l Teatru De Harmonie de Leeuwarden como les once comunidaes llingüístiques participantes van defendiendo los sos temes. Alfredo González será’l primeru en xubise al escenariu pa interpretar “La nada y tu”, tema ganador del Premiu al meyor cantar 2009.

 
Radio Sele tamién dará bona cuenta de les votaciones del xuráu, el momentu más esperáu en cualesquier festival y onde Asturies tará representada por Lisardo Lombardía, anguaño director artísticu del Festival Intercélticu de Lorient. Amás de la emisora n’asturianu, la RPA emitirá en diferíu’l festival el llunes a les 23.30 hores. Pela web de CNN Internacional tamién va poder siguise’l certame en direutu.

Contador Estadistiques