Entama "Llanes al cubo 2009"

Hevia, Macaco, Despistaos, Dixebra y Oysterband son dalgunos de los grupos incluyíos nel cartel del festival "Llanes al Cubo. La Folixa del Tardíu", que se celebra esti fin de selmana, del 30 al 1 de payares. A los conxuntos yá mentaos, xúnense los finlandeses Frigg, Toumani Diabaté (Mali), Pablo Moro y el grupu xixonés Tush, encabezáu pola vocalista llanisca Ana Morán.

Durante los trés díes de conciertos, tocarán en total más d'una decena de grupos, ente les carpes de La Bombilla y el Muelle. Sólo serán de pagu los conciertos de La Bombilla, a un preciu de cinco euros, y les entraes reservaránse na oficina de turismu. Xunto a ello va haber toda una serie d'actividaes culturales. La programación completa puede consultase nesta páxina web.