Cuando los primeros misioneros llegaron a les rexones ártiques pa tresmitir la Biblia, diéronse cuenta que’l tradicional “corderu de Dios” nun tenía xacíu pa los habitantes d’aquelles tierres. Entós, decidieron camudar la espresión por “foca de Dios”, un animal indispensable na sociedá esquimal y que diba sirvi-yos muncho meyor a los misioneros pa facer la metáfora sobre’l Mesíes.

L’actual decanu de la Facultá de Filoloxía, Enrique del Teso, camienta que la universidá asturiana ta preparada en formación, ciencia y recursos pa que l’asturianu tea dientro de la enseñanza reglada como daqué más qu’una minor. Asina lo desplicó nel entamu de les XXVIII Xornaes Internacionales d’Estudiu de l’Academia, qu’escomenzaron ayeri nel Salón d’Actos de la Facultá de Filoloxía.

La Comisión Executiva del Banco de España ta acabante de dar el preste a la ufierta económica por valor de 400 millones d'euros fecha por Caxastur pa facese col control de Caja Castilla-La Mancha (CCM). Según la máxima autoridá bancaria del Estáu, esa ufierta d'integración de la entidá manchega en Caxastur ye la que meyor cumple los criterios de solidez y racionalidá económica y financiera. Amás cumple col oxetivu de nun suponer gastu pal erariu públicu.

El Tribunal d'Estrasburgo o Corte Europea de los Derechos Humanos declaró la presencia de los crucifixos nes aules "una violación de los derechos de los padres a educar a los sos fíos según les sos convicciones" y de la "llibertá de relixón de los alumnos".

El númberu de paraos conseñaos nes oficines del Instituto Nacional de Empleo (Inem) nel nuesu país llegó nel mes pasáu a los 70.787 desempleaos, lo que supón un aumentu de 398 paraos más respective a setiembre. Nel conxuntu del Estáu xubió en 98.906 persones, un 2,6%.

Les XXVIII Xornaes Internacionales d'Estudiu de l'Academia de la Llingua Asturiana entamen esti martes 3 de payares na Facultá de Filoloxía de la Universidá d'Uviéu hasta'l xueves 5. Estes xornaes, yá clásiques, pretenden afondar nel conocimientu d'aspectos llingüísticos, sociollingüísticos y lliterarios del dominiu llingüísticu asturianu, y pa ello cuenta con espertos d'Asturies y internacionales.

L'Aconceyamientu de Xuristes pol Asturianu ta acabante de plantegar énte Tribunal Superior de Xusticia d’Asturies l’anulación parcial de cinco de los seyes artículos del Alcuerdu del 8 de mayu de 2009 del Conseyu de Gobiernu de la Universidá d’Uviéu, pel que s’aprueba’l Reglamentu sobre presentación y receición d’escritos en "bable/asturianu", un recursu que vien d’anunciar el BOPA del día 27 d’ochobre de 2009.

La escritora xixonesa Sofía Castañón ta acabante de ganar VI Certame de poesía "Nené Losada Rico", premiu entamáu pola asociación de muyeres "Valdés Siglo XXI" y que quier homenaxear la figura de la poeta valdesana que-y da nome al premiu. Castañón algamó esti galardón col poemariu tituláu "Tiempu de render"

La visita de los asturianos al siempre dificil campu de Riazor tuvo'l premiu d'un puntu pervaliosu tres empatar a ún goles. Un partíu nel que caún de los equipos dominó una de les partes y que vino a confirmar al Sporting como ún de los conxuntos más serios defensivamente, al contrariu que na temporada pasada.