Sofía Castañón algama'l VI Certame de poesía "Nené Losada Rico"

La escritora xixonesa Sofía Castañón ta acabante de ganar VI Certame de poesía "Nené Losada Rico", premiu entamáu pola asociación de muyeres "Valdés Siglo XXI" y que quier homenaxear la figura de la poeta valdesana que-y da nome al premiu. Castañón algamó esti galardón col poemariu tituláu "Tiempu de render"

El xuráu, formáu por Jesús Emilio Menéndez Menéndez, filólogu, y polos escritores Xuan Santori, José Luís Rendueles y Carmen Guardado, decidió premiar el poemariu de la escritora xixonesa pola "so frescura y tresparencia, y el son fondamente asturianu col que s´avera a la naturalidá diaria, nes sos referencies al amor, la muerte y l'humor”

Na categoría de llingua castellana'l premiu foi pa Esperanza Medina, d'Avilés, cola obra "No recuerdo un invierno tan frío como éste". En total presentáronse 57 poemarios, 46 escritos en castellanu y 11 n'asturianu. El premiu pa cauna de les categoríes ye de 1.000 euros.