Unidá Nacionalista Asturiana (UNA), al traviés del so portavoz, Faustino Zapico, vien d’anunciar l’entamu d’una campaña de mociones nos conceyos pa esixir a los partíos parllamentarios qu’afronten la reforma estatutaria. La campaña va entamase en Nava y Carreño, presentando la moción Asturianistes por Nava y UNA, respectivamente. Pa los nacionalistes la reforma tien que xirar sobre trés pegoyos básicos; financiamientu, una carta de drechos y obligaciones y la oficialidá del asturianu.

Un grupu d’empresarios catalanes vien de crear una patronal soberanista, “El Cercle Catalá de Negocis”, presidida por Ramón Carner. Según la so declaración de principios pretenden “presionar a los partíos políticos col oxetivu de que’l Parlament declare la independencia de Cataluña, “un país asemeyáu a cualesquier européu”.

Armenia alvirtió esti llunes que pue reconocer la independencia de la rexón separatista azerí de Nagorno Karabaj si Azerbaiyán cumple coles sos amenaces d'entamar una aición militar pa recuperar el control d'esta zona. "Si les negociaciones de paz se ruempen y entama una aición militar, nun hai nada que s'interponga nel camín d'Armenia pa reconocer la independenica de Nagorno Karabj", dixo Samvel Farmanyan, el voceru del presidente armeniu, Serzh Sarkasyan.

L'activista saharaui Aminatou Haidar respondió güei al ministru d'Asuntos Esteriores d'España, Miguel Ángel Moratinos, que se reafirma na so posición de que "simplemente quier que la devuelvan tal y como la traxeron, con o sin pasaporte", manifestaron a Europa Press fontes de l'Asociación del Pueblu Saharaui nel Aeropuertu de Lanzarote.

El titular del Xulgáu de lo Contencioso Alministrativo númeru 3 d'Uviéu, Miguel Ángel Carbajo, resolvió'l pasáu xueves que'l Principáu d'Asturies conceda a Francisco Farpón l'autorización correspondiente pa la construcción de "una vivienda unifamiliar aislada nel Nucleu Rural Agrupáu de Casares", asitiáu a 98 metros de la ilesia prerrománica de Santa María del Naranco. La basílica declaróla Patrimoniu Mundial de la Humanidá la Unesco, n'avientu de 1985.

El Partíu Aragonés (PAR) propón crear l'Academia de les Llingües Aragoneses y refuga dafechu la cooficialidá del aragonés y el catalán. El PAR nes Cortes d'Aragón rexistró 48 enmiendes parciales a la proposición de Llei de Llingües del PSOE, según indicó esta mañana en rueda prensa'l voceru del grupu, Javier Allué.

El Conceyu d'Uviéu y la Escuela de Música Tradicional 'Manolo Quirós' entregarán mañana nel auditoriu Príncipe Felipe d'Uviéu'l Premiu Nacional de Folclor Martínez Torner del 2009 a Silvino Antuña Suárez (Silvino 'el sastres') por "toa una vida dedicada al entendimientu y comprensión de la canción popular asturiana".

El presidente d’UPL, vicealcalde de Lleón y sustitutu d’Abel Pardo na conceyalía de Cultura Lleonesa, Javier Chamorro, vien d’anunciar al traviés d’una entrevista en “Diario de León” que va esixir a la Xunta de Castiella y Lleón el cumplimientu del articuláu del estatutu d’autonomía sobre la llingua, al empar que la creación d’una entidá académica que “armonice y avere a los estremaos grupos que defenden el lleonés p’algamar un consensu si hai bona disposición pelas dos partes”.

Dende l’Asociación de Trabayadores de la Normalización Llingüística (ATNLL) camienten que n’Asturies nun s’escomencipió a sacar tol rendimientu potencial a la llingua yá que “mientres les comunidaes con llingua oficial reciben grandes tresferencies económiques del Estáu”, nel nuesu país al nun haber oficialidá “el gobiernu asturianu dexa de recibir una montonera de perres”. Colo cual dende l’ATNLL señalen que la oficialidá, amás d’una cuestión de drechos, podría ser rentable.

El militar israelí Gilad Shalit, garráu por milicianos palestinos en xunu del 2006, pue quedar en llibertá'l próximu miércoles a cambiu de 450 palestinos presos n'Israel, que se tresferiríen a Cixordania y la Franxa de Gaza, según revelaron fontes del Movimientu de Resistencia Islámica (Hamas), citaes pola televisión panárabe Al Arabiya.