El 47% de los llectores d’Asturies.com camienta que la TVG nun tien qu’emitir en territoriu asturianu

28 Payares, 2009 por Damián Barreiro

Inicie sesión o rexístrese pa espublizar comentarios

Pal 47% de los nuestros llectores la televisión gallega nun tien qu’emitir en territoriu asturianu yá que ven la iniciativa como un intentu de galleguizar el Navia-Eo. Asina s’espeya na encuesta qu’Asturies.com tuvo abierta nel “Conceyu Abiertu” demientres esta selmana. La segunda opción más votada, col 31% de los votos, ye que la TVG podría vese n’Asturies si la televisión asturiana tamién emitiera pal otru llau del Eo. Mientres qu’un 22% de los llectores camienten que cuantos más canales de televisión meyor y nun-y ven nengún inconveniente a que la señal de la pública gallega puea sentise n’Asturies.

Asturies.com abre güei otru Conceyu Abiertu pa que los sos llectores puean siguir opinando. Y facémonos ecu de les pallabres del presidente d’UPL, vicealcalde de Lleón y sustitutu d’Abel Pardo na conceyalía de Cultura Lleonesa, Javier Chamorro, sobre a necesidá de crear una institución llingüística que normativice l’asturianu de Lleón.

A partir d’agora pues votar y opinar equí sobre esti tema.

Comentarios

nomenon wrote on 29 Payares, 2009:

Yo nun digo que nun haiga intenciones detras d'esa estatexa del goviernu gallegu. Pero... llebantar muralles chines... cuando l'enemigu ta dientru. Vamos torgar en´ton que'l cine americanu entre nes nuestres sales (porque mos aculturiza) vamos dexar tamién que les series de produccion "nacional" se vean nel nuesu territoriu, porque non solo mos castellanizen, sin non que fain de la nuesa mozedá un masa borreguil, vamos torgar que... Si! porsupuesto detras de mas minimu y inocente xestu hai unes intenciones. Pero lo realmente importante pa la nuesa cultura o la nuesa sociedá nun se fai a la otra vera'l Eo, o'l Payares o l'Atlanticu. Lo que marxina social, cultural y llinguisticamente a los asturianos son les propies instituciones asturianes, los son entes publicos de comunicación y como non, los privaos. Eso falando d'Asturies en xeneral, pero vamos dicir que de les ales oriente y occidente en particular.
Les critices ha de dir a un gubiernu que nun fai les nuestres llingües oficilaes, que nun impulsa una politica cultural competente y que tien un RTPA que ye una puxarra, non solo por que nun respeta suficientemente la nuesta llingua, sinon porque ye muncho mas aculturizaora que lo pue ser ver la TPG, y por que los sos contenios son pura broza. Y anque fuere n'asturianu dafechu... si los contenioos son los mesmos.... pa que quies mas manín.
Entós claro.. si pones nuna pesa la TPG (que nun ye que sia gan cosa) y del otru llau la TPA... Que quies que te diga. "Eu quero mais ver outra cousa antes que a TPA!!"

salú!