El Sevilla vence al Sporting na so primer derrota de la temporada nel Molinón

Segunda derrota consecutiva del Sporting y primera nel Molinón no que va de temporada. Un gol del sevillista Frederic Knoute nel minutu nueve valió a los hispalenses pa la victoria nel municipal xixonés. A pesar de la derrota, el Sporting lluchó hasta cuasi quedar ensin fuelgos, sobre too na segunda parte del alcuentru.

Nótose durante’l partíu les ausencias de nomes importantes como Morán o Bilic. L'equipu asturianu sigui con venti puntos y el próximu fin de selmana viaxará a Valladolid.
 
Ficha técnica:
 
Sporting: Juan Pablo, Lora, Botía, Gregory, José Ángel, Míchel (Kike Mateo, m. 81), Rivera, Pedro (Maldonado, m. 64), De las Cuevas, Diego Castro (Carmelo, m. 64) y Barral.
 
Sevilla: Palop, Adriano (Valiente, m. 26), Konko, Dragutinovic, Navarro, Zokora, Romaric, Navas, Kone (Negredo, m. 56), Perotti y Kanouté (Renato, m. 79).
 
Árbitru: Pérez Lasa (Comité Vasco). Amosó tarxetes marilles a Míchel (m. 23), Valiente (m. 30), Pedro (m. 62), Gregory (m. 70), José Ángel (m. 72), Navarro (m. 83), Lora (m. 88) y Konko (m. 90).
 
Gol: 0-1, Kanouté (m. 8).
 
Incidencies: Estadiu El Molinón. 17.000 espectadores.