Más d’ocho mil persones piden en Facebook vuelos de baxu coste

El grupu Low Cost Asturias vien d’anunciar que más d'ocho mil persones sumáronse yá al grupu de protesta en Facebook pola crisis del aeropuertu d’Asturies. Según el grupu “los precios abusivos y la falta de vuelos son la principal quexa d’una crisis aeroportuaria que ta sufriendo Asturies dende que se creó la compañía Air Asturias”.

Pa Low Cost los más favorecíos pola falta d’una compañía de baxo coste son ALSA ya Iberia, al empar qu’hai asturianos que trabayen fuera del país “que munches vegaes nun pasen les Navidaes cola so familia polos altos precios”.
 
Los responsables anuncien que fai un mes que se creó la páxina “Ryanair in Asturias Please” y dende entós pasaron por ella más d’ocho mil usuarios que critiquen la falta d’una política aeroportuaria del Principáu que nun facilita la comunicación d’Asturies col restu del Estáu y del mundu.