El socialista Ivo Josipovic vence na primer vuelta de les eleiciones croates

Cuatro millones de croates votaron ayeri pa elixir el nuevu presidente, que tendrá que sustituir a Stipe Mesic y trabayar por integrase na Unión Europea. El vencedor na primer vuelta foi’l social-demócrata Ivo Josipovic, col 30% de los votos.

Va ser necesaria una segunda vuelta, que va celebrase’l 10 de xineru, pa escoyer el que será’l tercer presidente del país dende la independencia. El segundu candidatu, col 15% de los votos, foi l’independiente y populista Milan Bandic, anguaño alcalde de Zagred y ex militante del SDP.
 
La Unión Democráica Croata (HDZ) de la primer ministra Jadranka Kosor sufrió nestes eleiciones una gran derota, el so candidatu quedó col 12% de los votos, perdiendo la posibilidá d'una segunda vuelta.
 
Les encuestes pronostiquen un nuevu trunfu de Josipovic na segunda vuelta. Sicasí, el populista Bandic anuncia una llucha populista pola presidencia.