L'ex voceru de Batasuna, Arnaldo Otegi, negó escribir la carta publicada'l pasáu 22 d'avientu na que reivindicaba la política y criticaba a los que se resisten a dexar la violencia.

Nuna información publicada esti martes pol diariu Gara, afírmase qu'Otegi niega qu'escribir carta neguna nos términos que se dieron a conocer y que s'unviare dende la prisión de Soto del Real (Madrid), onde cumple condena, a otru presu de la cárcel de Zuera, en Zaragoza.

Los Verdes d'Asturies, per mediu del so voceru Nacho González, presentarán escritos al Ministeriu de Mediu Ambiente y Mediu Rural y Marín, al Ministeriu de Fomentu, y a la Conseyería de Mediu Ambiente Ordenación del Territoriu y Infraestructures del Gobiernu autonómicu, pa prevenir contra l'usu masivu de sal na rede viaria pa combatir la nieve y el xelu, y pidir una evaluación del impactu medioambiental de dicha práctica.

La Xunta d’Escritores Asturianos 2010 falará del nacionalismu asturianu y de les relaciones ente la lliteratura, la identidá y la nación nel casu asturianu. Asina, les diverses ponencies contemplarán cómo los aspectos identitarios afecten al fechu d'escribir nuna llingua minorizada y non oficial como l'asturiana frente a otres de más prestixu institucional.

El Frente Polisariu vien de refugar la decisión del rei de Marruecos, Mohamed VI, quien el pasáu domingu anunció al traviés d’un discursu l’entamu de la rexonalización del Estáu, del que’l Saḥara Occidental diba ser un de los primeros beneficiaos, en pallabres del rei.

Un grupu d'hackers colocaron na páxina de la presidencia española de turnu de la Unión Europea una imaxe del famosu cómicu inglés, Rowan Atkinson, conocíu pol so personaxe Mr. Bean. Los hackers bloquiaron la páxina y colocaron la imaxe col saludu “Hi there”.

Según informen dende’l Grupu d’Ornitoloxía Maeva, la población d’araos de la Ría d’Avilés amenorgo hasta la metá, “cuando otros años incrementábase la población cola seronda hasta l’iviernu pa volver baxar en primavera y branu”, señalen. Maeva tenía censaos 120 araos a mediaos de payares, y en venti díes pasóse a 60.

Los fechos, asocedíos na segunda quincena de payares, entamen cola orde de matar araos empobinada pola Conseyería de Mediu Ambiente. Sicasí, según señalen dende Maeva, nengún aráu foi abatíu llegalmente na fastera d’Avilés.

Una llingua artística ye un idioma ficticiu ñació como actividá creativa d’un autor. Ye dicir, nun ye una llingua creada pa sirvir como idioma auxiliar (l’esperantu) o pa esparcer dalguna rama del conocimientu humanu, son idiomes concebíos pa emplegase en llibros, películes, televisión, comics o vidioxuegos.

El presidente del FC Barcelona, Joan Laporta, fala nuna entrevista qu’espubliza güei El Mundo sobre l’equipu que dirixe, pero tamién del so futuru na política y les sos idees sobre la independencia de Cataluña y la so rellación con España. Laporta diz que tovía nun sabe lo que va facer depués de dexar la presidencia del Barça, fairálo enantes de Selmana Santa y sabráse a lo cabero del so mandatu.

Empate n’El Molinón énte’l Málaga, un 2-2 foi’l resultáu del primer alcuentru xugáu pol Sporting nesti añu 2010. Los dos equipos tuvieron oportunidá de ganar, pero’l marcador foi igualándose hasta algamar l’empate a dos. A la fin, el Sporting sumó’l puntu 21, asitiándose na décima posición.

Los dos goles del equipu xixones vinieron de Gregory nel primer tiempu, marcando de cabeza un gol que dexaba’l partíu n’empate pal descansu. Mientres que na segunda parte, depués de que’l Malaga volviera a ponese per delantre, un tiru de Canella valió-y l’empate al Sporting.

Suburbia Ediciones ta acabnates d’asoleyar “La Ponte y otros cuentos” de Miguel Rojo, una antoloxía de relatos de Miguel Rojo. Nesti volume recuéyense los sos cuentos más conocíos, revisaos y correxíos pol autor a costafecha pa esta edición, hasta'l puntu de que munchos d'ellos tán cásique re-escritos. Xunto a estos, recupérense dalgunos relatos difíciles d'atopar actualmente y dellos cuentos inéditos. El llibru entama con un prólogu d'Antón García.